ಮುತ್ತು ಬಳ್ಳಾ ಕಮತಪುರ
ಹರಿಯುವ ನದಿಯ ಸುಳಿಯಲಿ ಒಂಟಿತನ ಬದುಕಿನ್ನೂ ಬಾಕಿಯಿದೆ |
ಮುಡಿಯುವ ಮಲ್ಲಿಗೆ ಘಮದಲಿ ಮೌನತನ ಬದುಕಿನ್ನೂ ಬಾಕಿಯಿದೆ ||
ಕರಗುವ ಕಣ್ಣೀರ ಹನಿಯಲಿ ನಿನ್ನತನ ಇನ್ನೂ ಜೀವಂತ ಉಳಿದುಕೊಂಡಿದೆ |
ಮಾತಿಗೆ ನಡೆ ನುಡಿಗಳಿಂದ ಕಿವಿಯಾಗುವ ಗಟ್ಟಿತನ ಬದುಕಿನ್ನೂ ಬಾಕಿಯಿದೆ ||
ಸಹಿಸುವ ದಹಿಸುವ ನನ್ನನ್ನೊಳಗಿನ ಚಡಪಡಿಕೆ ಬಯಲಾಗಬೇಕಿದೆ |
ಅವಮಾನದ ಉರಿಯಲಿ ಹಗಲಿನ ಜಾಣತನ ಬದುಕಿನ್ನೂ ಬಾಕಿಯಿದೆ ||
ಸವೆದ ದಾರಿಯಲಿ ಓದದೆ ಉಳಿದ ಅದೆಷ್ಟು ಘಟನೆಗಳು ಉತ್ತರಿಸಬೇಕಿದೆ ?
ನೆಲದ ಮಕ್ಕಳ ಹಿಮಪಾದದ ಕಾಲ್ನಡಿಗೆ ಸರಳತನ ಬದುಕಿನ್ನೂ ಬಾಕಿಯಿದೆ ||
ಬಗೆಹರಿಯದ ವಿಚಾರಗಳಿಗೆ ಕಿಲುಬು ಹಿಡಿದ ಮನಸುಗಳೆ ಕಾರಣ ಮುತ್ತು|
ಗೆಲುವಿನ ಚೆಲುವಿನ ಪಾರ್ಥನೆಯಲಿ ಸೋತವನ ಬದುಕಿನ್ನೂ ಬಾಕಿಯಿದೆ ||
0 ಪ್ರತಿಕ್ರಿಯೆಗಳು