ನಾಗರಾಜ ಹರಪನಹಳ್ಳಿ
-೧-
ಆಕಾಶಕ್ಕೆ ಮುಖ ಕೊಟ್ಟೆ
ಹತ್ತಿರವಾಗುತ್ತಿದ್ದೇನೆ
ಎಂಬ
ಕೂಗು ಪ್ರತಿಧ್ವನಿಸಿತು
***
-೨-
ಕಡಲ ಎದುರಿಗೆ ನಿಂತೆ
ವಿರಹ ಮುಗಿದಿದೆ
ಪ್ರೇಮಿ ಕೈಚಾಚಿದ್ದಾಳೆ ಎಂದು
ಪಿಸುಗುಟ್ಟಿತು ದಂಡೆ
***
-೩-
ದಾರಿಯಲ್ಲಿ ನಡೆದೆ
ಬದಿಯ ಹೂಗಳು ನಸು ನಕ್ಕು
ಹೇಳಿದವು ;
ನಕ್ಷತ್ರಗಳ ಕೈಗಿಟ್ಟವು
ನಾಳೆ ನಿನ್ನ ಪ್ರೇಮಿ ಬರುವಳು
ಅವಳ ಹೆರಳಿಗೆ ಮುಡಿಸೆಂದು
****
-೪-
ಗಾಳಿ ಸಿಳ್ಳೆ ಹಾಕಿತು
ಮೋಹದ ರಾಗ ಹಾಡಿತು
ಹಾಗೂ ರಾಗ ಮಾಲೆಯ ಕೈಗಿಟ್ಟು
ಹೇಳಿತು;
ನಾಳೆ ನಿನ್ನ ಪ್ರೆಯಸಿ ಬರುವಳು
ಬರಸೆಳೆ, ಬಿಗಿದಪ್ಪು
ರಾಗಮಾಲೆ ತೊಡಿಸೆಂದು
****
-೫-
ಸ್ವಲ್ಪ ಮುಂದೆ ನಡೆದೆ
ಎದುರಾದ ಹಕ್ಕಿ ಹೇಳುತು
ನಾಳೆ ನಿನ್ನ ರೂಪಸಿ ಬರುವಳು
ನನ್ನ ರೆಕ್ಕೆಯ ಆಕೆಗೆ ತೊಡಿಸು
ಹಾರಿಸಿ ಕೊಂಡುಹೋಗು
ಏಳು ಕಡಲಾಚೆ ಪ್ರೇಮಿಸೆಂದು
****
-೬-
ಕೊನೆಗೆ ರೂಮಿ
ಭುಜದ ಮೇಲೆ ಕೈಯಿಟ್ಟು
ಬೆನ್ನ ಸವರಿ ಹೇಳಿದ;
ಪ್ರೇಮಿಸು; ಪ್ರೇಮಿಯ
ಸುಮ್ಮನೆ ಪ್ರೇಮಿಸು
ಮಾತಾಡಬೇಡ ಎಂದ
*****
-ನಾಗರಾಜ್ ಹರಪನಹಳ್ಳಿ.
0 ಪ್ರತಿಕ್ರಿಯೆಗಳು