ಪ್ರಾಯದ ಹುಡುಗ, ಹುಡುಗಿಯರು ರಸ್ತೆಯಲ್ಲಿ ನಿಂತು
ಮಾತಾಡುವುದನ್ನು ನಮ್ಮೂರಿನಲ್ಲಿ ಯಾರು ಸಹಿಸುವುದಿಲ್ಲ
ಎಂಭತ್ತು ಮನೆಗಳ ಊರಿಗೆ ಹನ್ನೆರಡು ಮೊಬೈಲ್ ರೀಚಾರ್ಜ್ ಅಂಗಡಿಗಳಿವೆ
………………………….

ಗ್ರಾಮೀಣ ಭಾಗದಲ್ಲಿ ಕ್ರಷಿ ಪಂಪ್ ಸೆಟ್ ಗಳಿಗೆ
ರಾತ್ರಿ ಮಾತ್ರ ನಿಯಮಿತ ವಿದ್ಯುತ್ ಸರಬರಾಜು ,
ಕಬ್ಬು ನೆಟ್ಟವನ ಹೆಂಡತಿ ಈ ವರ್ಷವೂ ಗರ್ಭಿಣಿಯಾಗುವುದು ಅನುಮಾನ
………………..
B T ತಳಿ ಬದನೆಯಿಂದ ದೇಶಿ ಮಟ್ಟು ಗುಳ್ಳ ತಳಿ
ಬದನೆ ನಶಿಸಿಹೋಗುತ್ತದೆ ಎಂದು ಹಗಲಿಗೆ ಪ್ರತಿಭಟನೆ ಮಾಡಲಾಯ್ತು
ರಾತ್ರಿಗೆ k f c ಚಿಕನ್ ತರಲಾಯ್ತು
…………….
ನಮ್ಮೂರಿನ ಲೇಡಿಸ್ ಟೈಲರ್ ಕೈಗುಣ ತುಂಬಾ ಒಳ್ಳೆಯದು
ಹಂಚಿಕಡ್ಡಿಯಂತ ಹುಡುಗಿಯರಿಗೆ ಹೊಲಿದು ಕೊಟ್ಟ
ಮದುವೆ ಬ್ಲೌಸ್ ವರ್ಷದ ವಳಗೆ ಟೈಟ್ ಆಗುತ್ತದೆ