ನಾನೂ ನಿಮ್ಮಂತೆಯೇ ಮುಗಿಯಿತು ಎಂದುಕೊಂಡಿದ್ದೆ. ಆದರೆ ಆಗ ಬರೆದು ಬಳಸದೆ ಉಳಿದಿದ್ದ ಈ ಪದ್ಯಗಳು ಮೊನ್ನೆ ಸಿಕ್ಕವು. ಸಿನಿಮಾದ ಡಿವಿಡಿಯಲ್ಲಿನ ಡಿಲೀಟೆಡ್ ಸೀನ್ಗಳಂತೆ ಓದಿಕೊಳ್ಳಬಹುದೇನೊ ಎನಿಸಿ ಇಲ್ಲಿ ಹಾಕುತ್ತಿರುವೆ. ನಿಜಕ್ಕೂ ಇದು ಕಡೆಯ ಕಂತು!
-ಅಪಾರ
೧
ತುಸು ಜಾಸ್ತಿ ಆಗಿದೆ ಇಂದು
ಮೈಮೇಲೆ ಬಿದ್ದದ್ದಕ್ಕೆ ಸಾರಿ
ನಿಮ್ಮನ್ಯಾಕೆ ಅಳಿಸಲಿ ಹೇಳಿ
ನನ್ನೆದೆ ಮೇಲ್ ಬಿದ್ದುದ ತೋರಿ
೨
ಯಾರು ಪರೀಕ್ಷೆ ಮಾಡಿದರೇನು
ನೂರು ಪ್ರಶ್ನೆ ಹಾಕಿದರೇನು
ಚೂರೂ ಹೆದರುವುದಿಲ್ಲ ನಾನು
ಬಾರು ಎಲ್ಲಿದೆಯೆಂದು ಗೊತ್ತಿಲ್ಲವೇನು?
೩
ದ್ರೋಹದ ಬೆಂಕಿಯಲಿ ನಾನು
ಉರೀತಿರುವೆ ನಖಶಿಖಾಂತ
ಯಾರು ಕುಡೀತಿದ್ದರು ಹೀಗೆ
ಆಗಿದ್ದರೆಲ್ಲವೂ ಸುಖಾಂತ?
೪
ಪಾರು ಮಾಡೋ ಕೃಷ್ಣಾ
ಪಾರು ಮಾಡೋ
ನಿಯರೆಸ್ಟ್ ಬಾರಿನ
ದಾರಿ ತೋರೊ
೫
ಮೋರಿಯಲಿ ಬಿದ್ದವನ ಕಾಣಬಲ್ಲ ನಿಮಗೆ
ಕಾಣದು ಅವನ ನರಕ ಸದೃಶ ಹಗಲು
ಬೆಚ್ಚಿಸುವ ಥರಥರದ ದಿಗಿಲು
ಮತ್ತೀಗ ಅವನು ತೇಲುತಿರುವ ಮುಗಿಲು
೬
ನೀನು ಕೈ ಕೊಟ್ಟದ್ದೂ
ಒಳ್ಳೆಯದೇ ಆಯಿತು
ಇಲ್ಲದಿದ್ದರೆನಗೆ ಮದಿರೆಯ
ಪರಿಚಯವೇ ಆಗುತ್ತಿರಲಿಲ್ಲ
೭
ಆದಿಯೂ ಇಲ್ಲ ಅಂತ್ಯವೂ ಇಲ್ಲ
ನನ್ನದೊಂದು ವಿಚಿತ್ರ ವ್ಯಥೆ
ಮದ್ಯದಲ್ಲೇ ಶುರುವಾದದ್ದು
ಮದ್ಯದಲ್ಲೇ ಮುಗಿವುದೆ ಕತೆ?
annuvaru kelavru
ide koneya baarige
prathiyondusala hodagalu
barige
bahusha nivu haage!
nenapirali
kudukaru
nillisuva vicharadalli
dudukaru!
🙂 for Dundiraj sir uvaachaa.
hai, nimma blag nanu nodiralilla nijakku suprab.nimma aneka pustakagala coverpage nodi tumba kushi pattidene.dayavittu omme hampige banni.thanQ
SUDHAKARA,HAMPI
ಮುಗಿಲು ಅ೦ದ್ರೆ ಆಕಾಶ.. ಆಕಾಶ ತೇಲುತ್ತಾ??? 😉