ನಿನ್ನೆದೆಯ ಬೆಳದಿಂಗಳ ಮೇಲೆ..

ಮೂಲ : ರೂಮಿ

ಎನ್ ಪಾರ್ವತಿ

1.

ನಾಲಿಗೆಯಲ್ಲಿ ನಲಿವ ಹೆಸರು
ಉಸಿರಿನಲ್ಲಿ ಬೆರೆತ ನೆನಪು
ನೋಟದಲ್ಲಿನ ಚಿತ್ರ
ಎಲ್ಲವೂ ನೀನೇ ಆಗಿರುವಾಗ
ಈ ಖಾಲಿ ಪದಗಳಿಗೆ ಅರ್ಥವಿನ್ನೆಲ್ಲಿ?

2.

ನಿನ್ನ ಹಾದಿಗೆ
ನಿನ್ನ ನಡಿಗೆಯೇ ಜೋಡಿ;
ಇನ್ನೊಬ್ಬರೋ
ಮತ್ತೊಬ್ಬರೋ ಸೇರಿ
ಎರಡು ಹೆಜ್ಜೆ ಹಾಕಿಯಾರು
ಕೊನೆವರೆಗೂ
ಯಾರು ಉಳಿದಾರು?

3.

ಮನವಿಷ್ಟು ತಿಳಿಯಾಗಲಿ ನಿಲ್ಲು
ನಿನ್ನೊಳಗೇ ಇರುವ ಈ ಚಂದ್ರ, ತಾರೆಯರ
ಬಿಂಬವ ನೋಡುವಿಯಂತೆ.

4.

ಸಾವಿರಾರು ಗುಟ್ಟುಗಳವಿತಿವೆ
ಕ್ಷಣವೊಂದರಲ್ಲಿ
ಪ್ರತಿ ಆರ್ತನಾದಕ್ಕೂ ನೂರಾರು
ಮಾರ್ದನಿಗಳಿವೆ ಇಲ್ಲಿ

5.

ಹಿಡಿದಿಡುವ
ಬಿಟ್ಟು ನಡೆವ
ಹಾದಿಗಳೆರಡರ
ನಡುವೆ ತೂಗುವ
ತಕಲಿ ಜೀವನ

6.

ನಿಜಕ್ಕೂ ನಮ್ಮ ಆತ್ಮಗಳು ಒಂದೇ,
ನಿನ್ನೊಳಗೆ ನಾನು,
ನನ್ನೊಳಗೆ ನೀನು ಕಾಣುತ್ತೇವೆ.
ಒಬ್ಬರೊಳಗೊಬ್ಬರು ಅವಿತುಕೊಂಡಿದ್ದೇವೆ.

7.

ನನ್ನ ಕಣ್ಣಲ್ಲಿ ನಿನ್ನ ಬೆಳಕಿದೆ
ನನ್ನ ಹೃದಯದಲ್ಲಿ ನಿನ್ನ ಸೌಂದರ್ಯವಿದೆ

8.

ಮನೆಯ ತೊರೆದೇ ಗೊತ್ತಿಲ್ಲದವರು
ನಿನ್ನ ಪಯಣಕ್ಕೆ ದಿಕ್ಸೂಚಿಯಾಗಲಾರರು

9.

ನಿನ್ನೆದೆಯ ಬೆಳದಿಂಗಳ ಮೇಲೆ
ಚಿಂತನೆಯ ನೆರಳು ಬೀಳದಿರಲಿ;
ಆಲೋಚನೆಗಳನ್ನು ಬೀಳ್ಕೊಟ್ಟು ಬಿಡು.

‍ಲೇಖಕರು Admin

November 18, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: