ಕಪ್ಪು ಹಲಗೆ
ಆರತಿ ಘಟಿಕಾರ್
ಗೋಡೆಯೊಳಗಿನ ಬಂಧಿ, ಕಪ್ಪನೆಯ ಮಿರುಗು
ಖಾಲಿ ಶಿಲೆಗೆ , ಒತ್ತಿ ಬರದದ್ದೆಲ್ಲವೂ ಬೆರಗು
ಗೌಜು ಗದ್ದಲದಲ್ಲೆ ಎವೆಯಕ್ಕದ ತುಂಟ ನೋಟ ,
ಬೆತ್ತದ ಬೆದರಿಕೆಯ ಶಿಸ್ತಿನ ಪಾಠ ,ಹೇಗಾಯಿತೋ
ಬಳಪದೊಂದಿಗೆ ಸ್ನೇಹ , ಈಗ ನಿತ್ಯದ ಒಡನಾಟ
ಗೀಚಿದರೇನೋ ಗಣಿತ ,ಇತಿಹಾಸ , ಚರಿತ್ರೆ
ನಿತ್ಯವೂ ನನ್ನಂಗಳದಲಿ ಅಕ್ಷರ ಜಾತ್ರೆ
ಮಧ್ಯಂತರ ವಿಲ್ಲದ ತಪಸ್ಸಿನಂತೆ ಶಿಕ್ಷಣ
ಎರಕವಾಗಲಿ ವಿದ್ಯೆ , ಜೊತೆಗಿರಲಿ ವಿವೇಕ ಪ್ರತಿಕ್ಷಣ
ಚಾಕಿನ ಧೂಳಿಗೊಮ್ಮೆ ಕೆಮ್ಮಿ , ಅರಿತದ್ದೇನೋ ..
ಕಲಿತ ದ್ದೇನೋ, ಚಿಂತಿಸುವುದೇಕೆ ಮೂಕ ಮನ .?
ಅನುಭವಗಳ ಮಾಡಾದೆ,ಕಾಲ ಚಕ್ರದಲಿ
ಬರೆದು ಅಳಸಿದರೂ ನೆನಪಿನ ಗೂಡಾದೆ
ಬಿಡದಿ ಮೋಹ , ಮಕ್ಕಳ ನೆನಪಲಿ ಅತ್ತೆ
ಅರಿವಿಲ್ಲ ನನಗೆ , ಹೇಳರಾರೂ ಎಕೆನಗೆ
ಯಾರಾದರೋ ವಿಜ್ಞಾನಿ, ಯಾರು ಸಿಪಾಯಿ
ಮಾಗಿ ಹಣ್ಣಾಯಿತೇ ಎಲೆ ಮರೆ ಕಾಯಿ …?
ಸಾಕ್ಷರತೆಯ ಜ್ಯೋತಿಗರ್ಪಿಸೆ ಈ ಬಾಳು
ಹರಸುವೆ ಬರಲಿ ಏನೇ ಏಳು ಬೀಳು
ಅರಿವು ಬೆಳಕಾಗಲಿ ಏರುತ್ತಾ ಮಜಲು
ತುಂಬಲಿ ಜ್ಞಾನ ಸಾಗರವೇ ಹನಿ ಹನಿಯಲೂ
ಕನಸ ಚಿಗುರಿ ಗಡಿ ದಾಟಿ ಮುನ್ನುಗ್ಗಲಿ ಸಾಲು
ಸತ್ಪ್ರಜೆಗಳಾಗಲಿ
ಸಿಗಲಿ ಸತ್ಯದ ಕೂಳು ,ಸಂತಸದ ಪಾಲು .
( ನನ್ನ ಶಾಲೆಯ ಕಪ್ಪು ಹಲಗೆಗೊಂದು ನಮನ )
ಕಪ್ಪುಹಲಗೆಗೊಂದು ಸಲಾಂ.ಕಪ್ಪು ಹಲಗೆ,ಎದುರಿಗಿನ ನೀವು (ಮಾಸ್ತರ),ಮತ್ತು ನಿಮ್ಮ ಹಿಂದಿನ ಆ ಕನಸುಗಳನ್ನು ಬೆಸೆದುಕೊಂಡಿರುವ ನಿಮ್ಮ ಭಾವನೆ,ಆ ಅದ್ಭುತ ಆಲೋಚನೆ ಬಹಳ ಇಷ್ಟವಾಯಿತು.
Chennagide. Kappu halagege nannadoo salaam… -smitha amrithra j.
ಚನ್ನಾಗಿದೆ
Kappu halageya bhaavanegala chendada anavarana .(y)
ಚೆನ್ನಾಗಿದೆ; ಪದ್ಯ
ಸುಂದರ ಅರ್ಥಪೂರ್ಣ ಬರಹ…ಚೆನ್ನಾಗಿದೆ..
ಚೆಂದಿದೆ ಕವನ.
ಅರ್ಥಪೂರ್ಣ ಬರಹ 🙂
Kavana mecchikonda ella snehitarigoo dhanyavadagalu.
ನಮಸ್ತೆ
ಕವಿತೆ ಓದಿದೆ…. ಓದುತ್ತ ನಿಮ್ಮ ಮನದ ಪುಟಗಳನಷ್ಟು ತಿಳಿದೆ…. ಭಾವಗಳು ಝರಿಯು ಸಿರಿಯಾಗಿ ಹರಿದು ಕವಿತೆಗಟ್ಟಿದ್ದೀರಿ ಬರೆದು ಹಗುರಾಗಿದ್ದೀರಿ… ಅದರಲ್ಲಿ ಸಿಗಲಿ ಸತ್ಯದ ಕೂಳು ,ಸಂತಸದ ಪಾಲು …… ಈ ಸಾಲುಗಳು ತುಂಬಾ ಇಷ್ಟವಾಗುತ್ತದೆ…..
ಸ್ವಾಸ್ಥ್ಯ ಸಮಾಜ ಮುಖಿಯಾಗಿ ಬರೆಯುವ… ಇರಬಯಸುವ ತಮ್ಮ ಅಭಿಪ್ರಾಯಕ್ಕೆ ಅಭಿನಂದನೆ