ಮುತ್ತು ಬಳ್ಳಾ ಕಮತಪುರ
ತಲೆಯಾಗ ಬಂದ ಮಾತು ಹೃದಯದಾಗ ಇನ್ನೂ ಉಳಿದಿಲ್ಲ|
ಮನಸ್ಸಿನ್ಯಾಗ ಇಳಿದ ಮಾತು ಕನಸಿನ್ಯಾಗ ಇನ್ನೂ ಉಳಿದಿಲ್ಲ ||
ಒಲ್ಲದ ಬೆಳಕಿನ ಸ್ವರ್ಗವೂ ! ಕತ್ತಲ ಗವಿಯಾಗ ತಳ್ಳಿದಂಗ ಸಖಾ |
ಮಾತಿನ ಮಂಟಪದಲಿನ ಸೆಳವು ಹಿತ್ತಲದಾಗ ಇನ್ನೂ ಉಳಿದಿಲ್ಲ ||
ನನ್ನ ನಿನ್ನ ಬಿಡುಗಡೆ ಸುದ್ದಿ ಜಿಟಿ ಜಿಟಿ ಹೋದು ಬಂದ ಮಳೆಹನಿ |
ಜರಿದ ಭಾವಬೆಸುಗೆ ಚಿಂತಿಯ್ಯಾಗ ಹಣ್ಣಾದಾಗ ಇನ್ನೂ ಉಳಿದಿಲ್ಲ ||
ದಿಂಬು, ಹೊದ್ದ ಹಾಸಿಗೆ ವಿರಸ ಸರಸದ ಪಾಠವನ್ನು ಅನುಭವಿಸಿದೆ |
ಇರುಳು ಸರಿದ ಸಮಯ ಒಂಟಿತನ ಕಾಡಿಸಿದಾಗ ಇನ್ನೂ ಉಳಿದಿಲ್ಲ ||
ಅಂತರಂಗದ ಕಲ್ಪನೆಯ ಪ್ರೀತಿಗೆ ‘ಮುತ್ತು’ವಿನ ಚೆಂಬೆಳಕು ಹೊನಲಾಗಿದೆ |
ಕಡಲ ತೀರದ ದಾಹ ಮೊಡಗಳಿಗೆ ಉಸಿರು ಕಟ್ಟಿಸಿದಾಗ ಇನ್ನೂ ಉಳಿದಿಲ್ಲ ||
0 ಪ್ರತಿಕ್ರಿಯೆಗಳು