ಈ ಹಾದಿ…
ನಾಗೇಶ ತಳವಾರ
ಯಾವುದ್ಯಾವುದು ಈ ಹಾದಿ
ಕಣ್ಣಿಗೆ ಕಂಡರೂ ಕಾಣದ
ಕಾನನದ ಹಾದಿ
ಬೆನ್ನಿಗೆ ಬಿದ್ದವರು ಬರ್ಲಿಲ್ಲ
ಹೊಂಟ ಹಾದಿಗುಂಟ
ಕಟ್ಟಿಕೊಂಡವರು ಇರ್ಲಿಲ್ಲ
ಕೊನೆಗಂಟ
ಸವಿಸಿದೆನು ಈ ಹಾದಿ
ಒಂಟಿಹಂಗ್S
ನಡುನಡುಕ ಸಿಕ್ಕರೂ
ಕೂಡಿಬರ್ಲಿಲ್ಲ ಜೊತೆಗೂಡಿ
ಟಿಸಿಲೊಡೆದು ಹೋದವು
ತಂಮ್ಮಪಾಡಿಗೆ ತಾವು
ಕೂಡಿ ಬರಲು ಇವುಕೇನ ದಾಡಿS
ನಿನ್ನೆ ಇಂದಿಗೆ ನಾಳೆ
ಯಾವುದೋ
ಅಂದಿಗಂದಿಗೆ ಈ ಬದುಕು
ಸಾಕೆನಿಸುವುದುS
ಕಟ್ಟಿಕೊಂಡ ಮೋಹವ ಕಳಚಿ
ಉಟ್ಟ ಉಡುಗೆಯಲ್ಲಿ ಹೊಂಟರೂ
ಬಿಡುವಲ್ಲದು ನಾನೆಂಬ
ಅಂಹಕಾರವ…
ನನಗೂ ನಿನಗೂ
ನಿನಗೂ ನನಗೂ
ಏನ್ ಈ ಸಂಬಂಧ
ಕಿತ್ತಿಟ್ಟ ಹೆಜ್ಜಿನ
ಹಿಂದಿಡಲು ಮುಂದಿಡಲು
ನೀ ಬಿಡುವಲ್ಲಿ…
ಯಾವುದ್ಯಾವುದು ಈ ಹಾದಿ
ಕಣ್ಣಿಗೆ ಕಂಡರೂ ಕಾಣದ
ಕಾನನದ ಹಾದಿ
0 ಪ್ರತಿಕ್ರಿಯೆಗಳು