ಪತ್ರಕರ್ತನೊಬ್ಬನ ಮೂಲ ಪ್ರವೃತ್ತಿ ಕುತೂಹಲ ಮತ್ತು ಬದುಕಿನ ನೆಲೆಗಳ ಅನ್ವೇಷಣೆಯೇ ಸ್ವಸ್ಥ ಸಮಾಜದ ನಿರ್ಮಾಣಕ್ಕಾಗಿ ಶ್ರಮಿಸುವುದರಲ್ಲೇ ಅವನ ಸಾರ್ಥಕ್ಯ. ಇಂಥ ಮನಸ್ಥಿತಿಯ ಪತ್ರಕರ್ತರಲ್ಲಿ ಮು. ಷಣ್ಮುಗಂ ನಮ್ಮ ನಡುವೆ ಮುಖ್ಯರಾಗಿ ಕಂಡುಬರುತ್ತಾರೆ.

ಕಳೆದ ಅರ್ಧ ಶತಮಾನದ ಬದುಕಿನಲ್ಲಿ ಎದುರಾದ; ಸಂದುಹೋದ ಮಹನೀಯರ ಬಗೆಗೆ ಷಣ್ಮುಗಂ ತಮ್ಮ ‘ಸಪರ್ಸನಲ್ ಪೇಜ್’ ಅಂಕಣದಲ್ಲಿ ನೆನಪಿನ ಮೆರವಣಿಗೆ ನಡೆಸಿದ್ದಾರೆ. ಇಲ್ಲಿನ ಎಲ್ಲ ಬರವಣಿಗೆಗಳ ಸ್ಥಾಯಿ ಭಾವ ಜೀವನಪ್ರೀತಿಯೇ ಬರೆಯುತ್ತಲೇ ಲೇಖಕರು ಅಲ್ಲೊಂದು ಬದುಕಿನ ನೀತಿಯನ್ನು, ಅದರ ಗತಿಯನ್ನು ಗುರುತಿಸುವಲ್ಲಿ ಸಫಲರಾಗಿದ್ದಾರೆ. ಇಲ್ಲಿ ಅಂತಃಕರಣವಿದೆ; ಆತ್ಮೀಯತೆ, ಜೀವನಾನುಭವ ಇದೆ. ಇದೆಲ್ಲಕ್ಕೂ ಹೆಚ್ಚಾಗಿ ಸ್ವಸ್ಥ ಮನಸ್ಸೊಂದು ಜೀವಂತವಾಗಿದೆ.
ಜೆ. ಸು. ನಾ
(ಬೆನ್ನುಡಿಯ ಭಾಗ)
ಪ್ರಕಾಶಕರು : ಪ್ರೆಸ್ ಕ್ಲಬ್
ಬೆಲೆ : ರೂ 160/-