ಡಿ ಎಸ್ ಚೌಗಲೆ
ಬತ್ತಿ ಹೋಗಿದೆ ನಿನ್ನೆದೆ
ಯಾಕೋ ಗೊತ್ತಿಲ್ಲ!
ಒಲವು ಜಿನುಗುವ ಜೇನಿಗೆ
ಆಸೆ ಹುಟ್ಟಿ ನಾಲಿಗೆ ಚಾಚಿದೆ
ಥೂ…
ಕೇವಲ ಭ್ರಮೆಯ ಬೇವು!
ಬೇವಿಗೂ ಔಷಧಿ ಗುಣವುಂಟಂತೆ
ನಿನ್ನ ತುಲನೆಯೂ
ಅದಕ್ಕೆ ಅವಮಾನ ವಿಷ ಪ್ರಮಾಣ!
ಕಾದಲಿಗೆ ಆಗದಿರಲಿ ಆಘಾತವಷ್ಟೆ
ಹೂಂ…ಪ್ರೀತಿಯ ನಶೆಯ
ನಂಬಿಕೆ ಹುಸಿಯಾದೀತು!
ರೂಹುಗಳಾಚೆ ಅಮೂರ್ತದಲಿ
ಶೋಧಿಸಿದೆ ನಿನ್ನ! ಸಂತೃಪ್ತ ಮನ
ಆದರೆ ಎದೆ ಭಾವಗಳ ಹಾದಿಗುಂಟ
ಮೋಹ(ಸ)ಗಳ ಬೀಜ ಮೊಳಕೆ ಒಡೆದಿತ್ತು
ಎಂದು ನಿಚ್ಚಳ ಮನದ ಗಾಭೆಗೆ
ಗೊತ್ತಾಗಲೇ ಇಲ್ಲ.
ನಮ್ಮ ಭಾವಯಾನಕೆ ಸಾಕ್ಷಿ ಹೇಳುವ
ಕಾಲ ಕೂಡಿ ಬಂದಾಗ
ಮುಖವಾಡ ಧಾರೆಯ ನೀ
ಹುನ್ನಾರಗಳ ಲೆಕ್ಕ
ಚುಕ್ತಾ ಮಾಡಿ ಬೆಲ್ಲವಾಗದೆ ಬೇವು ಬಿಟ್ಟು
ಪಲಾಯನ ಗೈದಿದ್ದೆ
Sketch Courtesy: Chikmath F V
0 ಪ್ರತಿಕ್ರಿಯೆಗಳು