– ಡಾ ಡಿ ಟಿ ಕೃಷ್ಣಮೂರ್ತಿ

ಕೊಳಲು

ಮೊನ್ನೆ ಓ.ಪಿ.ಡಿ.ಗೆ ರೋಗಿಯೊಬ್ಬ ಬಂದ.ಸ್ಟೂಲ್ ತೋರಿಸಿ ಕೂತ್ಕೊಳಪ್ಪಾ ಎಂದೆ.’ಪರವಾಗಿಲ್ಲಾ ಬುಡಿ ಸಾ’ಎಂದ.ಎಷ್ಟು ಬಲವಂತ ಮಾಡಿದರೂ ಕುಳಿತುಕೊಳ್ಳಲಿಲ್ಲ.ಕಾರಣ ಕೇಳಿದರೆ “ಹಾಸನದಲ್ಲಿ ಮಳೆ ಆಗೈತೆ ಸಾ….! “ಎಂದ.ನಾನು “ಅರೆ…..!!ಹಾಸನದಲ್ಲಿ ಮಳೆ ಆದರೆ ನೀನು ಇಲ್ಲಿ ಕುಳಿತು ಕೊಳ್ಳೋಕೆ ಏನು ತೊಂದರೆಯಪ್ಪಾ”ಎಂದೆ.ಅದಕ್ಕವನು “ಅಯ್ಯೋ……ನಿಮಗೆ ಎಂಗೆ ಎಳಾದು ಸಾ …..! ಪೈಲ್ಸ್ …ಆಗೈತೆ “ಎಂದ. “ಆಸನದಲ್ಲಿ ಮೊಳೆ “ಅನ್ನೋದು ಅವನ ಬಾಯಲ್ಲಿ “ಹಾಸನದಲ್ಲಿ ಮಳೆ”ಆಗಿತ್ತು!!]]>