ನೋಟ
ದತ್ತು ಕುಲಕರ್ಣಿ
ಆಸ್ಟ್ರೇಲಿಯ
ಸುಟ್ಟುಕೊಂಡು ನೀಗಿಕೊಳ್ಳುವ ಬತ್ತಿ
ಬೆಳಗಿ ನಮಿಸಿಸಿಕೊಳ್ಳುವ ದೀಪ
–
ಬರೆದು ಮರೆಯಾಗುವ ಪೆನ್ನು
ಓದಿಸಿ ಚುಂಬಿಸಿಕೊಳ್ಳುವ ಪತ್ರ
–
ಕುಗ್ಗಿ-ಹಿಗ್ಗಿ ಬಳಲುವ ಸ್ನಾಯುಗಳು
ನಕ್ಕು ಸುಖಿಸುವ ತುಟಿಗಳು
–
ಬಿಸಿಯುರಿಗೆ ತಳ ಕರಕಲಾದ ಪಾತ್ರೆ
ಘಮ-ಘಮಿಸಿ ಚಪ್ಪರಿಸಿಸಿಕೊಳ್ಳುವ ಅಡಿಗೆ
–
ತೊಳೆದು ಕೊಳೆಯುವ ನೀರು
ಥಳ-ಥಳಿಸುವ ಮೈ-ಮನೆ-ಕಾರು
–
ಕಾಪಾಡಿ ತಿರಸ್ಕಲ್ಪಡುವ ಗಡಸು ಮುಳ್ಳು
ಉಳಿದು ಸ್ವೀಕರಿಸಲ್ಪಡುವ ನವಿರು ಹೂವು
–
ತನಗ ಹೆಂಗ ಬೇಕೊ ಹಂಗ ಇರೋದ ಜಗತ್ತು…
ನೋಡಿದಂಗ ನೋಟ ಅನ್ನೊದು ಅದರ ಕರಾಮತ್ತು
0 ಪ್ರತಿಕ್ರಿಯೆಗಳು