ರೂಪಾ ಹಾಸನ
ಎಲ್ಲಿದ್ದಾನೋ ಹಾಳಾದವನು
ಆ ವಿಳಾಸವಿಲ್ಲದ ಅಲೆಮಾರಿ
ಎಂದಿನಂತೆ ಜನಜಂಗುಳಿಯ
ಮಧ್ಯೆ ಸಿಕ್ಕ.
ಅವನು ಸಿಗುವುದು ಅಲ್ಲೇ
ಆ ಏಕಾಂತದಲ್ಲೇ.
ಅದೇಕೋ ಇಂದು
ನನ್ನ ಕಂಡವನೇ
ತನ್ನ ಜೋಳಿಗೆಗೆ
ಕೈ ಹಾಕಿ ತಡಕಿ
ಲಾಲಿಪಪ್ಪಿನ ಕಡ್ಡಿಯೊಂದನ್ನು
ತೆಗೆದು ಕೈಯಲ್ಲಿ ಹಿಡಿದು
ಮುಂಚಾಚಿ, ನಕ್ಕ.
ಎಂದೂ ಭಿಕ್ಷಕ್ಕೆ ಕೈಯೊಡ್ಡದವಳು
ಮೋಡಿಗೊಳಗಾದವಳಂತೆ ಕಸಿದು
ಬಗಲ ಚೀಲಕ್ಕೆ ಎಸೆದು
ಬಿರಬಿರನೆ ನಡೆದೆ.
ಇನ್ನೂ ಕೊಳ್ಳುವುದಕ್ಕಿತ್ತು
ತೆಂಗು, ತರಕಾರಿ, ಸಂಬಾರ……
ಕೆಲಸ ಬೆಟ್ಟದಷ್ಟಿತ್ತು.
ಆಗಲೇ ತಡವಾಗಿತ್ತು
ಗಂಡ ಮಕ್ಕಳೂ
ಮನೆಯಲ್ಲಿ
ಕಾಯುತ್ತಿರಬಹುದು…..
ಮನೆಗೆ ಬಂದು
ಚೀಲ ಸುರುವಿ
ಎಲ್ಲ ವಿಂಗಡಿಸಿಡುವಾಗ
ಹಸಿಮೆಣಸಿನ ಮರೆಯಲ್ಲಿ
ಮೆಲ್ಲನಿಣುಕುತ್ತಿತ್ತು ಲಾಲಿಪಪ್ಪಿನ ಕಡ್ಡಿ!
ಮೇಲಿನದೆಲ್ಲಾ ಹೇರಿಕೆ
ಸರಸರನೆ ಸರಿಸಿ
ಕಡ್ಡಿಯೆಡೆಗೇ ಕೈ ಹೋಗುವುದೇ?
ತಿರುಗಿಸಿ ಮುರುಗಿಸಿ ನೋಡುತ್ತಾ
ಮುಟ್ಟುತ್ತಾ ಮೂಸುತ್ತಾ
ಒಳಗಿನ ಮಗುವೆದ್ದು
ಬೆರಗಿನಲಿ ಆಟವಾಡುತ್ತಿರಲು
ನವಿಲು ಬಣ್ಣದ ಸಿಪ್ಪೆ ಬಿಡಿಸಿದೆ
ಗಾಢ ಗುಲಾಬಿ ಬಣ್ಣದ ಗೋಲಿಗೆ
ಕಡ್ಡಿಸಿಕ್ಕಿಸಿದ್ದಾರೆ ಯಾರೋ
ನೋಡಿದೊಡನೆ ಚಪ್ಪರಿಸಬೇಕೆನಿಸುವ
ಉಮೇದು ಹುಟ್ಟಿಸುವ
ಸುವಾಸನೆ ಮೆತ್ತಿದ್ದಾರೆ ಯಾರೋ
ತಡೆಯಲಾಗದೇ ಬಾಯಿಗಿಟ್ಟುಕೊಂಡೆ
ಲಾಲಿಪಪ್ಪಿನೊಂದಿಗೇ
ಸದ್ಯವನು ಮರೆಯುತ್ತಾ
ಕರಗುತ್ತಾ ಹೋದೆ.
ಆಗಲೇ ಅವನಿಗೊಂದು
ವಂದನೆ ಹೇಳಲೂ ಮರೆತೆನಲ್ಲಾ!
ಛೆ! ಎಲ್ಲಿದ್ದಾನೋ ಹಾಳಾದವನು.
ಎಷ್ಟು ಸಲೀಸಾಗಿ ಬರೆಯುತ್ತೀರಿ . ಚಂದವಾಗಿದೆ..
ಕವನ ಭಾವನಾತ್ಮಕವಾಗಿ ಹೃದಯಕ್ಕೆ ಹತ್ತಿರವಾಗುತ್ತೆ ಮೆಡಮ್
tumba chenda ide,,,,
Simple superb..!
ಇನ್ನೊಮ್ಮೆ ಅಂವ ಸಿಕ್ಕಿದರೆ ನನಗೊಂದು ಲಾಲಿಪಪ್ಪಿನ ಕಡ್ಡಿ ಪ್ಲೀಸ್…
Kannale kattidanthithu kalpane oduvaaga naanu munduvarisa balleneeno kavithegala saalanu anisi haniyastu ruchicisithu manakke
ಕವಿತೆ ತುಂಬಾ ಚೆನ್ನಾಗಿದೆ , ಮೇಡಂ.
ಜನಜಂಗುಳಿya ಮಧ್ಯೆ ಏಕಾಂತ !!!
ಏಕಾಂತದಲ್ಲಿ ಒಮ್ಮೊಮ್ಮೆ ಸಂತೆಯ ಕಲರವ i
ಅಂಥ ವಿಶೇಷ ಅಂಥ ಅನಿಸಲಿಲ್ಲ
ಹಾಳಾದವನು ಎಲ್ಲಿದ್ದಾನೋ, ಬ್ಯೂಟಿಫುಲ್ ಮೆಚ್ಚುಗೆ, ಜನಪದೀಯ. ಕವನದೊಳಗೊಂದು ಹೃದಯವಿದೆ ನೋಡಿ ಅದು ಬಲು ಆಪ್ತ.
Ellariguu vandanegalu….
Rupa
Please note readers: she got lollipop with green chillies. She could have mentioned along with beans or carrot. But it is with chillies. That’s life- amidst pains, sorrows, miseries, sufferings, agonies someone somewhere gives us the sweet pleasure or the sweet smile or the sweet relief or the sweet push or the sweet lift or the sweet thrust or the sweet twinkle in his eyes or the sweet wave of his hand or a sweet comment. It is a good poem.
ಒಂದು ಒಳ್ಳೆಯ ಕವನ ಓದಿದ ಅನುಭೂತಿಯುಂಟಾಯಿತು.