ಕೆಂಪುಹಾಸಿನ ಜನರ ಕುರಿತು
ಹೆಚ್ ಸಿ ಭವ್ಯ
ಹೂವುಗಳಡಿಯಲ್ಲಿ ಅಗೋಚರ ಕೆಂಡಗಳಿದ್ದವು
ಹೊಳೆಯುವ ಮುಂಗಾಲುಗಳ ತೋರುತ್ತಾ
ನಡೆದ ಅವರ ಪಾದಗಳಲ್ಲಿ ಬಣ್ಣಗಟ್ಟಿದ ಬೊಬ್ಬೆಗಳು
ಆ ಬನಾವಟಿ ಚೆಹರೆಗಳಲ್ಲಿ ಅಪಾಪದ ಭ್ರಮೆ
ಗೊತ್ತಿಲ್ಲ, ನಿಮಗೆ
ಎದೆಯೊಳಗಿನ ಚೀರುಗಳು
ಸುಮ್ಮನಾದರೂ ನಗುತ್ತಿರುತ್ತವೆ
ನೀವು ಮೋಸ ಹೋಗುತ್ತೀರಿ..
ಹೊಟ್ಟೆಗಿಳಿಯುವ ಮೊದಲೇ
ಅರಗಿಹೋಗುವ ರುಚಿ
ಗುಡಿಸಲುಗಳಲ್ಲಿ ಮಾತ್ರವಲ್ಲ
ಚರಿತ್ರೆಯಾಗಿದೆ ಮಹಲುಗಳಲ್ಲೂ
ಅಪರಿಚಿತ ಮಗ್ಗುಲುಗಳು ಸೂಳೆಗೇರಿಗಳಲ್ಲಷ್ಟೇ ಅಲ್ಲ,
ಉಳಿದುಬಿಟ್ಟಿವೆ ಖಾಸಗೀ ಕೋಣೆಗಳಲ್ಲಿ
ಚಂದ್ರಲೋಕದ ಬಗ್ಗೆ ಭರಪೂರ
ಕನಸು ಹೊತ್ತವರೇ
ಅಸಹಾಯಕ ರಾತ್ರಿಗಳಲ್ಲಿ
ಕನಿಷ್ಠ ದಿಟ್ಟಿಸಲೂ ಆಗದ ವಿರಹವಿರುತ್ತದೆ ಅಲ್ಲಿ
ಹಠಬಿದ್ದು ಆಕಾಶ ಸೇರಿದ ಚುಕ್ಕಿ
ಹಠಾತ್ತನೇ ಕಳೆಯುತ್ತದೆ.
ಗೊತ್ತಿಲ್ಲ, ನಿಮಗೆ
ನೆಲದ ಬೇರುಗಳ ಕಣ್ತಾಕುಗಳೇ
ಕಳಚುವುದು ಆಕಾಶದ ಹೂವುಗಳನ್ನು
ನಿಮಗೆ ಗೊತ್ತಿಲ್ಲ
ಅನ್ನ ತೀರಿಸದ ಹಸಿವಿನ ಬಗ್ಗೆ
ಬಂಗಾರದ ದೇವರ ಮೆತ್ತಿಕೊಂಡ
ನಿಶ್ಯಕ್ತ ಪ್ರಾರ್ಥನೆಗಳ ಬಗ್ಗೆ
ಕೆಂಪುಹಾಸಿನ ಮೇಲೆ ಕೈಬೀಸುವ
ಅವರ ಮಾಟದ ಝಲಕಿನ ವಿವರಣೆಗಳು
ಚಪ್ಪಾಳೆಯ ಸದ್ದಿನಲ್ಲಿ ವಿಲೀನ
ನಿಮಗೆ ಗೊತ್ತಿಲ್ಲ
ಅನ್ನ ತೀರಿಸದ ಹಸಿವಿನ ಬಗ್ಗೆ
ಬಂಗಾರದ ದೇವರ ಮೆತ್ತಿಕೊಂಡ
ನಿಶ್ಯಕ್ತ ಪ್ರಾರ್ಥನೆಗಳ ಬಗ್ಗೆ
ಕೆಂಪುಹಾಸಿನ ಮೇಲೆ ಕೈಬೀಸುವ
ಅವರ ಮಾಟದ ಝಲಕಿನ ವಿವರಣೆಗಳು
ಚಪ್ಪಾಳೆಯ ಸದ್ದಿನಲ್ಲಿ ವಿಲೀನ
ಭವ್ಯ ಅವರೇ ಪದ್ಯ ಚೆನ್ನಾಗಿದೆ…..
ಈ ಸಾಲುಗಳು ಇಷ್ಟವಾದವು
good poem, made me waiting for your more poems
ತುಂಬಾ ಒಳ್ಳೆಯ ಪದ್ಯ. . ಇಷ್ಟವಾಯ್ತು. . .
chndada kavite..
I always wanted to be the part of red carpet.. may be i am… may be iam not.. but your words made me…….
Good Lines
ಈ ಕವಿತೆ ತುಂಬಾ ಇಷ್ಟವಾಯಿತು.
ಭವ್ಯಕ್ಕ ಭಾಳ ಚಂದ ಪದ್ಯ ಬರದೀರಿ…
ಕವಿತೆ ತಟ್ಟಿತಾ..? ಆವರಿಸಿಕೊ೦ಡಿತಾ..? ಅಥವಾ ಕವಿದಿದ್ದ ಎಲ್ಲದರಿ೦ದ ಒ೦ದೇ ಏಟಿಗೆ ಹೊರಗೆಡವಿಬಿಟ್ಟಿತಾ..? ಏನೊ೦ದೂ ತಿಳಿಯುತ್ತಿಲ್ಲಾ. speechless ಎನ್ನುವುದೂ ಕೂಡ ಪೇಲವವೆನುಸುತ್ತಿದೆ ಭವ್ಯಾ ಜೀ. each and every line is quitely penitrating into me. thanku.