ಅನಂತ ಚಿನಿವಾರ್ ಕನ್ನಡ ಪತ್ರಿಕೋದ್ಯಮದಲ್ಲಿ ಹಲವು ಅಲೆಗಳನ್ನು ಕಂಡವರು. ಓದಿದ್ದನ್ನು ಸಮರ್ಪಕವಾಗಿ ಅರಗಿಸಿಕೊಳ್ಳುವ, ಗ್ರಹಿಸುವ ಶಕ್ತಿ ಚಿನಿವಾರ್ ಅವರಿಗಿದೆ. ಉದಯ ಚಾನಲ್, ಸುವರ್ಣ ನಂತರ ಈಗ ರಾಜ್ ಚಾನಲ್ ನ ಮುಖ್ಯಸ್ಥರಾಗಿದ್ದಾರೆ. ‘ಅತ್ತ ಇತ್ತಗಳ ಸುತ್ತ ಮುತ್ತ’ ಹಾಗೂ ‘ಗೇಮ್’ ಇವರ ಜನಪ್ರಿಯ ಅಂಕಣಗಳು. ಅಭಿವ್ಯಕ್ತಿಗೆ ಎಲ್ಲಾ ಮಾಧ್ಯಮಗಳನ್ನೂ ಹುಡುಕುವ ಅವರು ರಂಗಭೂಮಿಯಲ್ಲೂ ತಾವು ಹೇಳಬೇಕಾದದ್ದನ್ನು ಹೇಳಲು ಹೊರಟಿದ್ದಾರೆ. ಗಾಂಧೀ ಕುರಿತ ‘ಹೇ ರಾಮ್’ ಅಂತಹ ಪ್ರಯೋಗಗಳಲ್ಲೊಂದು. ಸಾಧ್ಯವಿದ್ದಲ್ಲಿ ನಾಟಕ ನೋಡಿಬನ್ನಿ.