ಪ್ರೀತಿ ಭಾವವಾಗೆ ಉಳಿಯಲಿ, ಅದಕೆ ಹೆಸರು ಹಚ್ಚಬೇಕೆ….?
ನಿನ್ನೆ ಪ್ರಕಟವಾದ ಈ ಮಧುರ ರಾಗವನ್ನು ಸ್ವರ್ಣ ಅವರು ಭಾವವಾಗಿಸಿದ್ದು ಹೀಗೆ…
ಆ ಕಂಗಳಲಿದೆ ಮಧುರವಾದ ಒಂದು ಬಂಧ
ಬಂಧಕ್ಕೆ ಬೇಡ ಹೆಸರ ಬಂಧನ
ಭಾವವೊಂದೇ ಅದರ ಇಂಧನ
ಮಾತಲ್ಲ , ಕೂಗಲ್ಲ
ಅದೊಂದು ನೀಲಾಕಾಶದ ಶುಭ್ರಮೌನ
ಅನುಭವಿಸಿ ಅನುಭಾವಿಯಾಗು
ಆರದು, ಆರಿಸದು, ನಿಲ್ಲದದು
ಯುಗಯುಗಳಿಂದ ಹರಿಯುತ್ತಿರುವ ಅಮೃತ ಬಿಂದು
ಮಂದಹಾಸ ಕಣ್ಣಂಚಿನಲ್ಲಿ
ಬಾಗಿದ ಚಂದ್ರ ಕಿರಣ ರೆಪ್ಪೆಗಳಡಿಯಲ್ಲಿ
ಹೊರಬಾರದು ಮಾತು ತುಟಿಗಳಿಂದಾಚೆ
ಆದರೂ ನಡುಗುವಧರಗಳಲಿದೆ,
ಅದೆಷ್ಟೋ ಮೌನ ಪ್ರೇಮ ಗೀತೆ
Lovely lines..good attempt Swarna!!
dear Avadhi!! lovely pics of Orchids….love those flowers!!
🙂