ಹೂಬಳ್ಳಿಯಾಗಿ ಹುಟ್ಟುವ…

ಕು ಸ ಮಧುಸೂದನ ರಂಗೇನಹಳ್ಳಿ

ಹಗಲು
ರೆಕ್ಕೆ ಬಿಚ್ಚಲು
ಕದಲಲಾಗದೆ ಕೂತಲ್ಲೇ ಬೇರುಬಿಟ್ಟ ಬೆಟ್ಟ

ಕನಸೇನಲ್ಲ ಕಣ್ಣ ಮುಂದಿನ ನೋಟ
ಉಕ್ಕುವ ಯೌವನದ ಬೆಂಕಿ ಕಾವು
ಸರಿದ ಇರುಳುಗಳ ನೆರಳುಗಳ
ನಟ್ಟ ನಡುವೆ ಸರಳುಗಳ ಸರಸದಾಟ

ಎದೆಯುಬ್ಬಿಸಿ ನಿಂತ ದ್ವಾರಪಾಲಕರ ಭರ್ಜಿಗಳ
ಚೂಪಿಗೆ ಎದೆಯೊಡ್ಡಿ ನಿಂತ ಹರಯದ ಹುರುಪು
ಹೊಸಿಲನೊಡೆದು ಹೆಜ್ಜೆಯಿಟ್ಟವಳುರಿಸಿದ
ಹರಯದ ಜ್ವಾಲೆ

ಸತ್ತುಹೋದವರ ಊರೊಳೆಗೆ ಉಳಿದು
ಹೋಳಿಗೆಯೂಟ ಸವಿದು ತೇಗಿದವರ
ಕತ್ತುಗಳ ಕತ್ತರಿಸುವ ಅಗೋಚರ ಆಯುಧದ ಹರಿತಕ್ಕೆ
ಬೆಚ್ಚಿದ ಮೂಲೋಕ!

ಬಾ ತಂದೆ ಬೀಜ ಬಿತ್ತಿದ ತಪ್ಪಿಗೆ
ಬಾ ತಾಯೇ ಹಡೆದ ತಪ್ಪಿಗೆ
ಬನ್ನಿ ಸೋದರ ಸೋದರಿಯರೆ ನನ್ನ ಜೊತೆ ಹುಟ್ಟಿದ ತಪ್ಪಿಗೀಗ
ನೇಣುಗಂಬವನೇರುವ.

ಮತ್ತೆಂದಾದರೂ
ಕಟುಕರಿರದ ನಾಡಲ್ಲಿ
ಗರಗಸಗಳಿರದ ಕಾಡಲ್ಲಿ
ಹೂಬಳ್ಳಿಯಾಗಿ ಹುಟ್ಟುವ.

‍ಲೇಖಕರು Admin

January 11, 2022

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕಂಬನಿ…

ಕಂಬನಿ…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: