ಗಿಡದಲ್ಲಿ ಇಣಚಿ

–ಮಾಲಾ ಮ ಅಕ್ಕಿಶೆಟ್ಟಿ

ನೀರು ಹಾಕಲು ಬಂದಾಗ ಹೊರಗೆ
ಲುಟು ಪುಟು ಓಡಾಡುವ ಇಣಚಿ ಗಿಡದ ಮೇಲೆ

ನೋಡಿದ ತಕ್ಷಣ ಆಶ್ಚರ್ಯ ಮಗುವಿಗೆ
ಪ್ರಶ್ನೆಗಳು ಹುಟ್ಟಿದವು ಬಗೆ ಬಗೆ

ಚಿಕ್ಕದಿದ್ದರೂ ಓಡಾಟ ಎಷ್ಟೊಂದು
ಆಡಿ ಬರುವೆನು ಮಾತೊಂದು

ಅಮ್ಮ ಈ ಬಾರಿ ಚಟುವಟಿಕೆ ಹೇಗೆಂದ?
ದೇವರು ದಯಪಾಲಿಸಿದ ದೇಹದ ರಚನೆಯೆಂದೆ

ನಾನೂ ಆಗಬೇಕು ಎಣಚಿಯಂತೆ
ಮಾಡು ಯೋಗ, ವ್ಯಾಯಾಮ, ದೇಹ ಸವೆಸುವಂತೆ

ಒಳ್ಳೆಯ ಕೆಲಸಕ್ಕೆ ದೂಡೆನು ದಿನ
ಇಂದೇ ತೊಡಗಿಸುವೆ ಸಂಪೂರ್ಣ ಮನ

ಜಾಣ ಮರಿ ನೀನು ಇಣಚಿಯಂತೆ
ಬೇಕಾದ್ದು ಸಾಧಿಸುವೆ ಬಯಸಿದಂತೆ