ಪುಸ್ತಕ ಕೊಳ್ಳಲು ಇಲ್ಲಿ ಕ್ಲಿಕ್ಕಿಸಿ

 
 
ಹೆಣ್ಣಿನ ಮೇಲೆ ಅತ್ಯಾಚಾರ ಅನಾದಿಯಿಂದ ನಡೆದು ಬಂದಿದೆ. ದೇಶದ ಮೂಲೆಮೂಲೆಯಲ್ಲೂ ಅಮಾನುಷ ಕೃತ್ಯ ನಡೆಯುತ್ತಿದ್ದರೂ ಇತ್ತೀಚೆಗೆ ದೆಹಲಿಯಲ್ಲಿ ನಡೆದ ಎರಡು ಘಟನೆಗಳಿಗೆ ತೀವ್ರ ಆಕ್ರೋಶ ವ್ಯಕ್ತವಾಯಿತು. ದೇಶಾದ್ಯಂತ ಸ್ತ್ರೀಶೋಷಣೆಯ ಬಗ್ಗೆ ವೈಚಾರಿಕ ವಾಗ್ವಾದಗಳು ಆರಂಭವಾದವು. ‘ಅವಧಿ’ ವೆಬ್ ಸೈಟ್ ನಲ್ಲಿ ಇಂಥ ಒಂದು ವಾಗ್ವಾದ ನಡೆದದ್ದು ಈಗ ಅದು ‘ಹೇಳತೇವ ಕೇಳ..’ ಎಂಬ ಕೃತಿಯಾಗಿ ಹೊರಬಂದಿದೆ.
‘ದಶಕಗಳ ಕಾಲ ತಮ್ಮೊಳಗೆ ಲೈಂಗಿಕ ಆಕ್ರಮಣದ ನೋವುಗಳನ್ನು ಹೊತ್ತು ಸಾಗುತ್ತಿದ್ದವರು ಈಗ ಅದಕ್ಕೆ ಹೊಸ ರೀತಿಯಲ್ಲಿ ಪ್ರತಿಕ್ರಿಯಿಸಲು ಈ ಸಂಚಿಕೆ ಕಾರಣವಾಯಿತು ಅವರು ಯಾವಾಗ ‘ಇದು ನನ್ನೊಬ್ಬಳ ಕಥೆಯಲ್ಲ’ ಎಂದು ಗೊತ್ತಾಯಿತೋ ಈಗ ಪರಸ್ಪರ ಮಾತನಾಡಿಕೊಳ್ಳಲು ಆರಂಭಿಸಿದ್ದಾರೆ…’ ಎಂದು ‘ಅವಧಿ’ಯ ಪ್ರಧಾನ ಸಂಪಾದಕ ಜಿ ಎನ್ ಮೋಹನ್ ಹೇಳಿದ್ದಾರೆ. ಮುಂದೊಂದು ದಿನ ಇಂಥ ಸಂಚಿಕೆ ರೂಪಿಸುವ ಕೆಲಸ ಬಾರದಿರಲಿ ಎಂಬುದು ಅವರ ಆಶಯ. ಜಯಲಕ್ಷ್ಮಿ ಪಾಟೀಲ್ ಈ ಕೃತಿಯ ಸಂಪಾದಕಿ.
ಮೊದಲ ಭಾಗ ‘ಹೀಗಾಯ್ತು…’ದಲ್ಲಿ ಕೆಟ್ಟ ಅನುಭವಗಳ ಕಥನವಿದೆ. ಎರಡನೇ ಭಾಗ ‘ಬೇಡ…’ ಮೂರನೇ ಭಾಗ ‘ಬಿಕ್ಕು’, ಇದರಲ್ಲಿ ನೋವಿನ ಕತೆಗಳಿವೆ. ಕೊನೆಯ ಭಾಗ ‘ಬೆಳಕಿಗಾಗಿ…’ ಯಲ್ಲಿ ಕಾರಣ-ಪರಿಹಾರದ ಚಿಂತನೆಗಳಿವೆ.
ಕೃತಿ: ಹೇಳತೇವ ಕೇಳ, ಪ್ರಕಾರ : ಮಹಿಳಾ ಚಿಂತನ
ಏಕೆ ಓದಬೇಕು ?: ಹೆಣ್ಣಿನ ನೋವು ಅರಿಯಲು
ಪ್ರ : ಅಭಿನವ, ಬೆಂಗಳೂರು. ಪುಟಗಳು 152 ಬೆಲೆ ರೂ 100