೭ನೇ ತರಗತಿಯಲ್ಲಿ ಓದುತ್ತಿರುವ ಅಮನ ಲಾಕ್ ಡೌನ್ ಸಮಯದಲ್ಲಿ ಸುಮಾರು 68 ಇಂಗ್ಲೀಷ್ ಕವಿತೆಗಳನ್ನ ರಚಿಸಿದ್ದಾರೆ.
‘ಸಪ್ನ ಬುಕ್ ಹೌಸ್’ ಈ ಕವಿತೆಗಳನ್ನು ʼಇಕೊಸ್ ಆಫ್ ಸೋಲ್ ಫುಲ್ ಪೊಯಮ್ಸ್ʼ ಎಂಬ ಹೆಸರಿನಲ್ಲಿ ಪ್ರಕಟಿಸುತ್ತಿದೆ.
ಪುಸ್ತಕಗಳನ್ನು ಓದುವ ಹವ್ಯಾಸವನ್ನು ಇಟ್ಟುಕೊಂಡ ಅಮನ ಸುಮಾರು 300 ಕ್ಕೂ ಹೆಚ್ಚು ಪುಸ್ತಕಗಳನ್ನು ಕಲೆಹಾಕಿದ್ದಾರೆ. ಆಟವಾಡುವ ಈ ವಯಸ್ಸಿನಲ್ಲಿ ಸಂಕಲನದ ಪ್ರಕಟಣೆಗೆ ಮನಗೊಟ್ಟಿರುವುದು ಆಕೆಗೂ ಅವರ ಕುಟುಂಬಕ್ಕೂ ಸಂಭ್ರಮ ತಂದಿದೆ.
ಈ ಹಿನ್ನೆಲೆಯಲ್ಲಿ ಅಮನ ಜೊತೆ ‘ಅವಧಿ’ ನಡೆಸಿದ ಫಟಾಫಟ್ ಇಲ್ಲಿದೆ-
ಇಷ್ಟು ಚಿಕ್ಕ ವಯಸ್ಸಿಗೆ ಕವಿತೆಗಳನ್ನು ರಚಿಸಲು ಸ್ಪೂರ್ತಿ ಯಾರು ?
> ನನ್ನ ಅಮ್ಮ.
ಅಮನ ಮನ ಕವಿತೆಗಳತ್ತ ವಾಲಿದ್ದು ಹೇಗೆ?
> ಮೊದಲಿನಿಂದ ಪುಸ್ತಕಗಳನ್ನ ಓದುತಿದ್ದೆ, ಹಾಗಾಗಿ ಕವಿತೆಗಳನ್ನ ಬರೆದೆ.
ನಿಮಗೆ ಇಷ್ಟವಾದ ಕವಿ ಯಾರು ?
> ರಸ್ಕಿನ್ ಬಾಂಡ್
ಲಾಕ್ಡೌನ್ ನಲ್ಲಿ ಕವಿತೆ ಬರೆಯುವದ ಬಿಟ್ಟು ಬೇರೆ ಏನು ಮಾಡಿದಿರಿ ?
> ತುಂಬಾ ಬುಕ್ಸ್ ಓದಿದೆ ಅದನ್ನ ಬಿಟ್ರೆ ಸಂಗೀತ ಕೇಳ್ತಿದ್ದೆ.
ಮೊದಲ ಪುಸ್ತಕದ ಅನುಭವ ಹೇಗಿದೆ ?
> ತುಂಬಾ ಖುಷಿಯಾಗ್ತಿದೆ.
ಕಾವ್ಯ ಕ್ರಿಯೆಯ ಆಶಾಕಿರಣ ಅಮನ.
ಮೊದಲ ಪುಸ್ತಕ ಲೋಕಾರ್ಪಣೆ ಗೆ ಅಭಿನಂದನೆಗಳು.