ಜಬ್ಬಾರ್ ಪರಪ್ಪು,ದುಬೈ

೧

ಮರುಭೂಮಿಯ ಸುಡುವ ತಾಪವನ್ನು
ಒಡಲಲ್ಲಿಯಿಟ್ಟು ಸಹಿಸಿ
ಬದುಕುವ ಗಿಡಗಳು ಮಾತ್ರ
ಇಲ್ಲಿ ಮರವಾಗಿ ಬೆಳೆಯಬಹುದು.!!

೨

ಅಕಾಶದಲ್ಲಿ ಹಾರುವ ಪಕ್ಷಿಗಳಿಗಿಂತ
ಲೋಹದ ಪಕ್ಷಿಗಳು ಹಾರಾಟವೇ
ಜಾಸ್ತಿ ಕಾಣಸಿಗುತ್ತವೆ..!!!

೩.

ಸದಾ ಗಗನಕ್ಕೆ ಮುತ್ತಿಡುತ್ತ;
ಗೆಳೆಯರಾದ ಭಾಸ್ಕರ
ರಾತ್ರಿ ಪಾಳಿಯ ಚಂದಿರ
ಮಿನಗುವ ಚುಕ್ಕಿ ತಾರೆಗಳ
ಜೊತೆ ಸುಖ-ದುಃಖಗಳನ್ನು
ಹಂಚಿ ಜೊತೆಯಾಗಿಯೇ
ಬದುಕುತ್ತವೆ ಇಲ್ಲಿನ ಎಲ್ಲಾ
ಎತ್ತರದ ಕಟ್ಟಡಗಳು…!!!

೪

ಇಲ್ಲಿ ನಮ್ಮ ದೇಶದ ಹಾಗೇ
ಇನ್ಕಮ್ ಟಾಕ್ಸ್ ಕಟ್ಟಬೇಕು
ಎಂಬ ತಲೆನೋವು ಉದ್ಯಮಿಗಳಿಗೆ ಇಲ್ಲವಲ್ಲ..!!
ಹಾಗಾದರೆ ಇಲ್ಲಿನ ಆದಾಯದ
ಮೂಲ ಯಾವುದು ಯೋಚಿಸುವಾಗಲೆ.??
ಅದು ಇದು ಅಂತ ಕ್ಷುಲಕ
ಕಾರಣಕ್ಕೆ ಬಲದಿ* ರೈಡ್
ಮಾಡಿ ದಂಡ ಹಾಕಿದಾಗಲೇ
ಸಿಕ್ಕಿತ್ತು ಮೇಲಿನ ಪ್ರಶ್ನೆಗೆ
ಉತ್ತರ…!!

*ಬಲದಿ=ನಗರ ಪಾಲಿಕೆ