ಕೊಡೆಯ ಹನಿಗಳು
ಸ್ಮಿತಾ ಅಮೃತರಾಜ್
ಮುದುರಿದ ಕೊಡೆ
ತೊಟ್ಟಿಕ್ಕುವ ಹನಿಗೆ
ಗರಿಗೆದರಿ ಅರಳಿದೆ.
**
ಹನಿಯುವ ಹನಿಗೆ
ಹಾಡಿಕೊಂಡು ನಲಿಯಲು
ಕೊಡೆಯ ರಂಗಸ್ಥಳವೇ
ಬೇಕಿದೆ.
**
ಕೊಡೆಯ ಸುತ್ತ ಸುತ್ತ ವೃತ್ತ
ಸುರಿವ ಹನಿಯ ಹರಿವು
ಒಳಗೆ ಪಿಸುಗುಡುತ್ತಿದೆ ಹೆಸರಿಲ್ಲದ
ಒಲವು.
**
ಮಳೆ ಕಲಿಸಿದ ರಾಗ
ಹಾಡಲು ಬಾರದ ಹುಡುಗಿಯೂ
ಕೊಡೆಯೊಳಗೆ ಗುನುಗಿಕೊಂಡಳಲ್ಲ
ಎಷ್ಟು ಸರಾಗ?
**
ಹನಿಗಳಿಗೆಲ್ಲಾ ಬಿಡದೇ
ಸುರಿಯುವ ಹಠ
ಕೊಡೆಯೊಳಗೆ ಶುರುಗೊಂಡಿದೆ
ಆತ್ಮಾವಲೋಕನದ ಪಾಠ.
**
ಸುರಿವ ತಂಪು ಮಳೆ
ನೆಪ ಮಾತ್ರದ ಕೊಡೆ
ಬೆಚ್ಚಗೆ ಭಾವದೊಳಗೆ
ಕಾವು ಕೊಡುತ್ತಿದೆ ಕವಿತೆ.
**
ತೆರೆದುಕೊಂಡು ಹೊಯ್ಯುವ ಮಳೆ
ಮೆಲ್ಲಗೆ ಬಿಕ್ಕುವ ಅವಳು
ನಡುವೆ ಮರೆಮಾಚಲು ಯತ್ನಿಸುತ್ತಿದೆ
ಪುಟ್ಟ ಕೊಡೆ.
**
ಅದೇ ಮಳೆ ಅದೇ ಕೊಡೆ
ಹಿಡಿಯ ಹಿಡಿದು ನಡೆವ ನಡೆ
ಮಾತ್ರ ಪ್ರತೀ ಭಾರಿ ಹೊಸ
ಬಗೆ.
**
ಮಳೆಹನಿಗಳು ತರುವ ಸಂಭ್ರಮವನ್ನು ಕೊಡೆ ತಡೆಯದೆ ಕೊಡಮಾಡಿದೆ. ಸುಂದರ ಹನಿಗಳು.
ಮೇಲೆ ಹನಿವ ಮಳೆ
ಕೆಳಗೆ ತುಡಿಯುವ ಹನಿ
ನಡುವೆ ನಿರ್ಲಿಪ್ತ ಕೊಡೆ…….
ಬಿಟ್ಟೂ ಬಿಡದ ಹನಿಹನಿ ಕಾವ್ಯಧಾರೆ….!
very nice poems..
ಕಡೆಗಣಿಸಲಾಗದ ಮಳೆ
ತಡೆಹಿಡಿದದ್ದು ಕೊಡೆ …
nimma padyada saalugalu kaviteyaagi hanidide. ashaya chennagide
ಕೊಡೆಯೊಳಗೆ ಶುರುಗೊಂಡಿದೆ
ಆತ್ಮಾವಲೋಕನದ ಪಾಠ.
ಕವಿತೆಯ ಸಾಲುಗಳು ಮಳೆ ಹನಿಗಳ ತಾಳ ಹೊಂದಿವೆ! ಛಂದದ ಕವಿತೆ.