ನನ್ನ 70 ನೇ ವರುಷದ ಹುಟ್ಟು ಹಬ್ಬಕ್ಕೆ ಅಭಿನಂದನೆ- ಶುಭಾಶಯಗಳನ್ನು ಹೇಳಿದ, ಹರಸಿ-ಹಾರೈಸಿದ, ಪ್ರೀತಿ-ಆದರ ತೋರಿದ ನನ್ನ ಎಲ್ಲ ಜೀವದ ಮಿತ್ರರಿಗೂ, ಆತ್ಮೀಯರಿಗೂ ನನ್ನ‌ ಮನಸಾರ ನಮನಗಳು…..

ಬೆಂಗಳೂರಿನ ನನ್ನ‌ ಮಿತ್ರರು ದಿನಾಂಕ 07.08.2022 -ಭಾನುವಾರ – ನಡೆಯುವ ನನ್ನ ಅಭಿನಂದನಾ ಕಾರ್ಯಕ್ರಮಕ್ಕೆ ಬನ್ನಿ.

ಆಮಂತ್ರಣ ಪತ್ರ ಈ ಗುಂಪಿನಲ್ಲಿ ಪ್ರಸಾರ ಮಾಡುವೆ.

ಬೆಳಿಗ್ಗೆ 10 ರಿಂದ ರಾತ್ರಿ 09 ರ ವರೆಗೆ…..ರಂಗಭೂಮಿ ಮತ್ತು ನೌಕರ ಸಂಘಟನೆಗಳ ಹಿರಿಯರು ಮತ್ತು ನಾಯಕರುಗಳು ನನ್ನ ಬದುಕನ್ನು ಮುಕ್ತವಾಗಿ ಅನಾವರಣ ಮಾಡುತ್ತಾರೆ. ಸುಖ-ದುಃಖ; ಏಳು-ಬೀಳುಗಳ ಚರ್ಚೆಯಲ್ಲಿ ತಾವೂ ಪಾಲ್ಗೊಳ್ಳಿ. ಹೊಗಳಿ, ಖಂಡಿಸಿ, ನನ್ನ ಸರಿ-ತಪ್ಪುಗಳ ವಿಮರ್ಶೆ ಮಾಡಿ….

ಎಪ್ಪತ್ತರ ಈ ತಿರುವಿನಲ್ಲಿ ನಾನು ತಿದ್ದಿಕೊಳ್ಳುವ, ಒಪ್ಪಿಕೊಳ್ಳುವ ಮನಸ್ಸು ನನ್ನದು.

ಊಟ-ಉಪಚಾರ ಎಲ್ಲವೂ ಕಾರ್ಯಕ್ರಮದ ಜಾಗದಲ್ಲಿ.

ಖುದ್ದಾಗಿ ಪ್ರತಿಯೊಬ್ಬರನ್ನೂ ಕರೆಯುವ ಪರಿಸ್ಥಿತಿಯಲ್ಲಿ ನಾನು ಇಲ್ಲ….ಕಾಗೆ ಬಳಗ ನನ್ನದು.
ನಾನು ಗುಂಪಿನಲ್ಲಿ ಪ್ರಸಾರ ಮಾಡುವ ಆಮಂತ್ರಣವನ್ನೇ ಖುದ್ದು ಆಮಂತ್ರಣವೆಂದು ಭಾವಿಸಿ, ದಯಮಾಡಿ ಬನ್ನಿ.

ಪ್ರೀತಿ ಮತ್ತು ಧನ್ಯತೆಯ ಭಾವದಿಂದ
ಗುಂಡಣ್ಣ ಸಿಕೆ- ಚಿಕ್ಕಮಗಳೂರು ಗುಂಡಣ್ಣ…