– ಎಂ ಎಸ್ ರುದ್ರೇಶ್ವರಸ್ವಾಮಿ
(…He looked at her, her heart is filled with love. They were
together and disappeared early in the morning)
ಇರುಳು ಜಾರಿದೆ
ಸೆರಗು ಹಾಸಿ…
ಉರಿಯುತ್ತಿವೆ ಹಚ್ಚಿಟ್ಟ ಜೋಡಿ-
ಹಣತೆ. ಮೆಲ್ಲಗೆ
ಹೇಳುತ್ತಿದೆ ಹೆಣ್ಣು
ಗಂಡು ದೀಪ-
ಕ್ಕೆ, ತುಸು ಹೊತ್ತು ಇರಿ ಸುಮ್ಮನೆ
ಮನೆಯಾಕೆ ಈಗತಾನೆ
ಕಣ್ಣುಮುಚ್ಚಿದ್ದಾಳೆ, ಆವರಿಸಿಲ್ಲ
ಅವಳನ್ನು ಇನ್ನೂ
ನಿದ್ರೆ, ಹೇಳಿಕೊಳ್ಳದ ಮಾತು ಇವೆ
ಅವಳೆದೆಯಲ್ಲಿ
ಒಂಟಿ ನಕ್ಷತ್ರ ಇದ್ದ
ಹಾಗೆ ಆಗಸದಲ್ಲಿ.
ಗೊತ್ತು ನನಗೆ, ಹೇಳಿತು ಗಂಡು
ದೀಪ. ಗಾಳಿ ಮೆಲ್ಲಗೆ
ಬೀಸಿದರೂ ಎಲ್ಲ
ತಿಳಿಯುತ್ತದೆ,
ಅವಳೆದೆ ಒಡೆದು ಹೋಗಿದೆ.
ಅಷ್ಟು ದೂರದ
ಮಾತು ನೆನಪಿಗೆ ಬಂದು
ಹೆಣ್ಣು ಹೇಳಿತು
ಸಾವಕಾಶವಾಗಿ ಉರಿಯಿರಿ, ತುಸುವೇ
ನನ್ನತ್ತ ಬಾಗಿ
ಜೊತೆಗೆ ಉರಿಯೋಣ
ಜೊತೆಗೇ
ಇನ್ನಿಲ್ಲದಂತೆ ಇಲ್ಲವಾಗೋಣ…
ತುಂಬ ಚೆಂದದ ಅಭಿವ್ಯಕ್ತಿ.
Nice
tumbaa istavaayitu kavite..nice
Kavana maarmikavaagide. Chennaagide sir!
Beautiful!
sir nice ….
ತುಂಬಾ ಚೆನ್ನಾಗಿದೆ
ಪದ್ಯ ಓದಿ, ಇಷ್ಟಪಟ್ಟ ಮತ್ತು ಪ್ರತಿಕ್ರಿಯಿಸಿದ ಎಲ್ಲರಿಗೂ ಧನ್ಯವಾದಗಳು. ಜೊತೆಗೆ ಪದ್ಯ ಪ್ರಕಟಿಸಿದ ‘ಅವಧಿ’ ಮತ್ತು ಶ್ರೀಮತಿ ಸಂಧ್ಯಾ ರಾಣಿ ಅವರಿಗೆ ಕೃತಜ್ಞತೆಗಳು.