ಶೇಕ್ಸ್ ಪಿಯರ್ ಮನೆಗೆ ಬಂದ

ಡಾ.ಎ.ಆರ್.ಗೋವಿಂದಸ್ವಾಮಿ

ಥಿಯೇಟರ್ ತತ್ಕಾಲ್  ರವೀಂದ್ರ ಕಲಾಕ್ಷೇತ್ರದಲ್ಲಿ ನಟರಾಜ್ ಹುಳಿಯಾರ್ ರಚಿಸಿ, ನಟರಾಜ ಹೊನ್ನವಳ್ಳಿ ನಿರ್ದೇಶಿಸಿದ ‘ಶೇಕ್ಸ್ ಪಿಯರ್ ಮನೆಗೆ ಬಂದ’ ನಾಟಕ ಪ್ರಯೋಗಿಸಿತು.
ಮಹಾಕವಿ ನಾಟಕಕಾರ ಅಯ್ಸ್ಕಿಲೂಸ್ ಹಾಗೂ ಸೊಪೊಕ್ಲಿಸ್ ಅವರ ಪ್ರಭಾವದಲ್ಲಿ ಬೆಳೆದ ನಾಟಕ ಚಕ್ರವರ್ತಿ ವಿಲಿಯಂ ಶೇಕ್ಸ್ಪಿಯರ್ ತನ್ನ ದಿ ಟೆಂಪೆಸ್ಟ್ (1611) ನಾಟಕವನ್ನು ಒಂದನೇ ರಾಜ ಜೇಮ್ಸ್ ಮುಂದೆ ಪ್ರಯೋಗಿಸಿದ ಜಾನಪದ ಕಥೆ ಅಥವಾ ರೋಮಾನ್ಸ್ ಕ್ರೋನಿಕಲ್ ನಾಟಕ ಇದು, ಜೋತೆಗೆ ‘ಆ್ಯಸ್ ಯು ಲೈಕ್ಇಟ್’, ಮಚ್ ಆ್ಯಡೋ ಎಬವ್ಟ್ ನಥಿಂಗ್, ಟ್ವೆಲ್ಫ್ತ್ನೈಟ್, ಆಂಟೋನಿ ಮತ್ತು ಕ್ಲಿಯೋ ಪಾತ್ರ, ರೋಮಿಯೋ ಅಂಡ್ ಜೂಲಿಎಟ್, ಎ ಮಿಡ್ ಸಮ್ಮರ್ ನೈಟ್ಸ್ ಡ್ರೀಮ್, ಮ್ಯಾಕ್ಬೆತ್, ಜೂಲಿಯಸ್ ಸಿಸರ್, ರಿಚರ್ಡ್ & , ಹ್ಯಾಮ್ಲೇಟ್, ಕಿಂಗ್ ಲಿಯರ್, ದಿ ಟೆಮಿಂಗ್ ಆಫ್ ದಿ ಶ್ರ್ಯೂ, ದಿ ಮರ್ಚೆಂಟ್ ಆಫ್ ವೆನಿಸ್, ಹೆನ್ರಿ, ಕಿಂಗ್ ಹೆನ್ರಿ 4 ಭಾಗ-1, ಒಥೇಲೋ, ಕಿಂಗ್ ರಿಚರ್ಡ್ ನಂತಹ ವಿಶ್ವ ಶ್ರೇಷ್ಟ ನಾಟಕಗಳನ್ನು ಬರೆದು, ಬೃಹತ್ಕಾವ್ಯ, 1800 ಕ್ಕೂ ಹೆಚ್ಚಿನ ನುಡಿಗಟ್ಟುಗಳನ್ನು ಸೃಷ್ಟಿಸಿದ ನಾಟಕ ಪಿತಾಮಹನ ಪ್ರತಿಭೆ, ವ್ಯಕ್ತಿತ್ವ, ಎಲ್ಲಾ ಕೃತಿಗಳನ್ನು ವಿಶ್ವದಾದ್ಯಂತ ಲಕ್ಷಾಂತರ ಮಂದಿ ಸಾಹಿತಿಗಳು, ಚಿತ್ರ ಕಲಾವಿದರು, ಸಿನಿಮಾ ರಂಗದವರು, ನಟ-ನಟಿಯರು ನಾಟಕಕಾರರು, ನಿರ್ದೇಶಕರು ಅಲ್ಲದೆ, ವೈದ್ಯರು, ವಕೀಲರು, ಬಾರ್ ನಲ್ಲಿ ಕುಡಿದು ಕುಳಿತ ಜನರಿಂದ ಹಿಡಿದು ನಮ್ಮ ನಿಮ್ಮಂತಹ ಅನೇಕರು ಇದೇ ಶೇಕ್ಸ್ಪಿಯರ್ ನನ್ನು ಹಲವು ಬಗೆಯಲ್ಲಿ ಮುಖಾಮುಖಿಯಾಗಿದ್ದಾರೆ. ಹಾಗೂ ಅನುಸಂಧಾನ ನಡೆಸಿದ್ದಾರೆ ಮತ್ತು ನಡೆಸುತ್ತಿದ್ದಾರೆ.

ಕಲಾವಿದ: ಶೋಯೆಂಕಾ

ಈ ಹಿನ್ನೆಲೆಯಲ್ಲಿ ಗಮನಿಸಿದಾಗ, ‘ಶೇಕ್ಸ್ಪಿಯರ್ ಮನೆಗೆ ಬಂದ’ ಪ್ರಸ್ತುತದ ನಾಟಕ ಕೃತಿ ಹಾಗೂ ರಂಗ ಕೃತಿ ಸಹ ಶೇಕ್ಸ್ಪಿಯರ್ ನ ಎಲ್ಲಾ ಕೃತಿಗಳ ಬಗ್ಗೆ, ಆತನ ಅನನ್ಯ ಪ್ರತಿಭೆ, ವ್ಯಕ್ತಿತ್ವ, ಬದುಕು,ಆತನ ಬಗ್ಗೆ ಬಂದಿರುವ ವಿಮರ್ಶೆಗಳು ಒಳಕೊಂಡಂತೆ ಕನ್ನಡ ಸಾಂಸ್ಕೃತಿಕ ಲೋಕಕ್ಕೆ ಆತನ ಇನ್ನೊಂದು ಮುಖವನ್ನು ಅನಾವರಣ ಮಾಡುವ ಪ್ರಯತ್ನ ಮಾಡಲಾಗಿದೆ. ಅಂದರೆ ಒಟ್ಟಾರೆ ರಂಗಭೂಮಿ, ಕಲಾವಿದರು, ಬರಹಗಾರರನ್ನು ಅಂತರ್ ಮುಖಿಯಾಗಿ ಹಾಗೂ ಅವರ ಬಹಿರಂಗವನ್ನು ಕುರಿತು ಮಾತನಾಡುತ್ತಲೇ ಒಬ್ಬ ಸ್ಕಾಲರ್ ನ ಫಿಲಾಸಫಿಯ ಬೇರೆ ಬೇರೆವಾದಗಳು ಹಾಗೂ ಅವರ ಶಕ್ತಿಯನ್ನು, ಕಲೆಯ ಪ್ರಶ್ನೆಗಳನ್ನು ಸಹ ಮುಂದಿಟ್ಟುಕೊಂಡು, ನಾಟಕಕಾರರು ಹಾಗೂ ನಿರ್ದೇಶಕರು ಒಂದು ಖಠಿಡಿಚಿಟ ಣಡಿಣಜಣಣಡಿಜ ನಲ್ಲಿ ಅಂದರೆ ನಿದ್ದೆ-ಎಚ್ಚರ ಅಥವಾ ಎಚ್ಚರದಲ್ಲಿ-ನಿದ್ದೆ ಎಂಬ ಕಲ್ಪನೆಯಲ್ಲಿ ನಾಟಕ ಕೃತಿಯನ್ನು ನಾಟಕಕಾರರು ನೋಡಿದ್ದಾರೆ. ಈ ಶೈಲಿಯನ್ನು ಕಠಿಣ ಒಠಜಜಡಿಟಿಟ ಶೈಲಿ ಅಂದರೆ, ಆಧುನಿಕೋತ್ತರ ಶೈಲಿ’ಯಲ್ಲಿ ಕೃತಿ ಕಟ್ಟಲಾಗಿದೆ ಎಂದು ಹೇಳಬಹುದು. ಇದು ಬಹಳ ವಿಶೇಷವಾಗಿ ನಾಟಕದಲ್ಲಿ ಗುರುತಿಸಬೇಕಾದ ಅಂಶವಾಗಿದೆ.
ಇನ್ನೂ ರಂಗಕೃತಿಯು ರಂಗಭೂಮಿಯ ಮೇಲೆ ಎಲ್ಇಡಿಯ ದೀಪಗಳ ನೀಲವರ್ಣದ ಅದ್ಭುತವಾದ ಮಂದ ಬೆಳಕಿನಲ್ಲಿ ಹಿಂಪಾದ ಕೊಳಲ ದನಿಯ ಭಾವಕ್ಕೆ ಹೊಂದುವಂತೆ ನಿಧಾನಗತಿಯ ಚಲನೆಯಲ್ಲಿ ಶೇಕ್ಸ್ಪಿಯರ್ ಕಾಲದ ವಸ್ತ್ರ ತೊಟ್ಟ ಎಂಟ ರಿಂದ ಹತ್ತು ಕಲಾವಿದರು ಚಕ್ರದಲ್ಲಿ ಅಳಪಡಿಸಿದ ಒಂದು ಸಣ್ಣ ಮನೆಯ ಸೆಟ್ಟನ್ನು ಹಾಗೂ ಕೆಲವು ಪೀಠಗಳನ್ನು ತಳ್ಳುತ್ತಾ, ರಂಗಕ್ಕೆ ತಂದಿರಿಸುತ್ತಾರೆ. ಕಲಾವಿದರು ಪೀಠದ ಮೇಲೆ ಕುಳಿತಾಗ ಹಿನ್ನೆಲೆ ಧ್ವನಿ ಶ್ರೇಷ್ಠ ನಾಟಕಕಾರ ಶೇಕ್ಸ್ಪಿಯರ್ ಊರಿಗೆ ಬರುತ್ತಿದ್ದಾನೆ. ಆತನಿಗೆ ಸನ್ಮಾನ ಎಂಬ ಘೋಷಣೆಯು ಪ್ರೇಷಕರನ್ನು ತನ್ನತ್ತ ಹಿಡಿದಿಟ್ಟುಕೊಳ್ಳುವ ಮೂಲಕ ಪ್ಲಾಷ್ಬ್ಯಾಕ್ ತಂತ್ರದಲ್ಲಿ ಪ್ರಯೋಗ ಚಾಲನೆ ಪಡೆಯುವುದು. ನಾಟಕ ಚಕ್ರವರ್ತಿಯ ಖಿಠ ಛಜ ಠಡಿ ಟಿಠಣ ಣಠ ಛಜ ಸ್ವಾಗತವನ್ನು ಹಾಸ್ಯಮಯವಾಗಿ ಬೆಡ್ ರೂಮ್ನಲ್ಲಿ ಖಿಠ ಜಠ ಟಿಠಣ ಣಠ ಜಠ ಎಂಬ ಹಾಸ್ಯ ಚಟಾಕಿಯೊಂದಿಗೆ ಆರೇಳು ಜನ ಪಾತ್ರಧಾರಿಗಳು ಅಂದರೆ ಈ ಕಲಾವಿದರೆ ಮುಂದೆ ನಿರೂಪಕರು ಹೌದು, ಹಾಸ್ಯ ಕಲಾವಿದರು ಹೌದು, ಕೋಡಂಗಿಗಳಂತೆ, ಬಫೂನುಗಳಂತೆ, ಶೇಕ್ಸ್ಪಿಯರ್ ನಾಟಕಗಳಲ್ಲಿ ಬರುವ ಪಾತ್ರಗಳಾಗಿಯೂ, ಜನರಾಗಿಯೂ, ಪ್ರೇಕ್ಷಕರಾಗಿಯು, ವಿಮರ್ಶಕರಾಗಿಯೂ ಅಭಿನಯಿಸುತ್ತಾ, ಸಾಗುತ್ತಾರೆ. ಇದನ್ನು ಜಗವೇ ರಂಗ ಭೂಮಿ ಜನರು ಬರೆ ನಟರು ನಮಗುಂಟು ನೂರು ಪಾತ್ರಗಳು ಎಂಬ ಈ ನಿರೂಪಕರ ಹಾಡಿನ ಭಾವ ಸಾಗುತ್ತಿದೆ.