ಕಲ್ಲು ಕರಗಿದೆ…
ರಮೇಶ್ ಹಿರೇಜಂಬೂರ್
ಕನಸಿನ ಕನ್ಯೆ
ಕಣ್ಣೆದುರು ಬಂದು
ಬಳಿ ಸಾರಿ ನಿಂದು
ಕರಗಿದವು ಮನ ಮೌನವಾಗಿ ||
ಅವಳ ಕಂಡ ಮೊದಲ ಕ್ಷಣ
ಎದೆಯಾಳದಲೆಲ್ಲ ತಲ್ಲಣ
ಕಣ್ಮರೆಯಾಗಿ ಹೋದಾಗ
ಎಲ್ಲೆಲ್ಲೂ ಕಣ್ಣೀರರಾಗ
ಗುಬ್ಬಚ್ಚಿ ಗೂಡಿನಲ್ಲಿ
ಬೆಚ್ಚಗೆ ಮಲಗಿದ್ದ ಪ್ರೀತಿ
ಕೂಗಿ ಕರೆತಂದಿದೆಯವಳ…
ಹೃದಯಮಿಡಿತ ಅರಿಯಲೆಂದು
ಶತಮಾನಗಳುರುಳಿವೆ
ಕುಸುಮಬಾಲೆಯ ನೆನಪಿನಲ್ಲಿ
ಅವಳಿನ್ನು ಕನಸಲ್ಲ !
ಬಾಳ ಕಾವ್ಯದ ಸಂಗಾತಿ
ಅವಳೆದೆಯ ಭಾರ
ನನ್ನೆದೆಯ ಘೋರ
ಮಿಲನ ಮಾಧುಯ ಸಾರ
ಹೃದಯಗಳೀಗ ಹಗುರ ||
ಶತಮಾನಗಳ ಶಾಪ ಸರಿದು
ಕಲ್ಲು ಕರಗಿದೆ ಸೌಮ್ಯವಾಗಿ
ಮನವೀಗ ಮೊಗ್ಗಾಗಿ
ಅರಳುತಿದೆ ದುಂಡು ಮಲ್ಲಿಗೆಯಾಗಿ ||
ಹಚ್ಚನೆಯ ಕಾನನದಲ್ಲಿ
ಹಸನಾಗಲಿ ಪ್ರೀತಿ
ವಿರಹವೆಲ್ಲ ದೂರಾಗಿ
ಬೆಳಗಲಿ ಜಗದಿ ಪ್ರೇಮಜ್ಯೂತಿ ||
ಮನ್ಮಥ ಮನಸೋತು
ರತಿ ರಾತ್ರಿ ರಂಗಾಗಿ
ರಸಮಯ ಬಾಳ ಹಾದಿ
ಮಾಯವಿನ್ನು ಈ ಮಾಯಾವಿ ಬೇಗುದಿ ||
Thank u For Avadhi team 🙂
uttama kavite..