ಲೋಕ ಸಂಚಾರಿಯೇ ಕೇಳು..

ಶೋಭಾ ಹಿರೇಕೈ ಕಂಡ್ರಾಜಿ

ನಾನು ನೀನು
ಏನು?
ನೀರು -ಮೀನು
ಭೂಮಿ – ಬಾನು
ಹಾಲು – ಜೇನು
ಅಲ್ಲ…
ನಾನು ನೀನೇ.. ಅಂದಿದ್ದೆ.

ಕಬ್ಬಿಣದ ಸರಳುಗಳಿಗೆ
ಕರುಣೆ ಕಲಿಸು
ಪ್ರಭುವೇ.. ಎಂದು
ನಾನಿಲ್ಲಿ ಪ್ರಾರ್ಥಿಸುತ್ತಿದ್ದೆ
ಮತ್ತೂ… ನೀನದಕ್ಕೆ
ಬಂಗಾರದ ಬಣ್ಣ ಬಳಿಯಲು
ಕುಂಚ ಹಿಡಿದು ನಿಂತು ಬಿಟ್ಟಿದ್ದೆ.

ಮುತ್ತು ಕೊಡುವ ಭರದಲ್ಲಿ ಕಣ್ಣಿಗೆ,
ಮಾತು ಕಲಿಸುವ ನೆಪದಲ್ಲಿ
ತುಟಿಯ ಎರಡೂ ಕದಗಳಿಗೆ
ಚಿಲಕ ಹಾಕಿದ್ದು
ಗೊತ್ತಾಗುವುದರೊಳಗೆ ನೀ..
ಲೋಕ ಸಂಚಾರಕ್ಕೆ ಹೊರಟು ಹೋಗಿದ್ದೆ.

ಕೇಳು ಲೋಕ ಸಂಚಾರಿಯೇ
ನೀನು ಹೇಳಿದ
ನೀಲಿ ಕಡಲಿನ ನಟ್ಟ ನಡುವಿರುವ
ಕಂದು ಬೆಟ್ಟದ
ಹಳದಿ ಹೂಮರದ ಹಾದಿ ನೆನಪಿದೆ ನನಗಿನ್ನೂ..

ಇಲ್ಲೊಮ್ಮೆ ಚಿಲಕ ಸಡಿಲಿಸಿ ಬಿಡು
ನಾನೂ ಹಾರುವೆ ನಿನ್ನೊಂದಿಗೆ
ಲೋಕ ನೋಡುವೆ
ನನ್ನದೇ ಹಾಡೊಂದಿಗೆ.

‍ಲೇಖಕರು Admin

July 29, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಆಣೆ

ಆಣೆ

4 ಪ್ರತಿಕ್ರಿಯೆಗಳು

  1. ಲಲಿತಾ ಸಿದ್ಧಬಸವಯ್ಯ

    ಅವನನ್ನೇನು ಕೇಳ್ತೀರ,,, ಬಾಗಿಲು ಒದ್ದು ಚಿಲಕ ಕಳಚಿಸಿಕೊಂಡು ಹೋಗಿ ನೀವೊಬ್ಬರೇ ತ್ರಿಲೋಕ ಸಂಚಾರಕ್ಕೆ ,,,

    ಕವನ‌ ಚೆನ್ನಾಗಿದೆ.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: