ಮಹಾಂತೇಶ್ ನವಲಕಲ್

೧
ಓಡಿ ಹೋಗಲಿಲ್ಲ ಕೂಡಿ ಬಾಳಲಿಲ್ಲ
ಬಿಟ್ಟು ಹೋದ ಜಾಗದಲ್ಲಿ ಕ್ರಾಂತಿ ಬೀಜ ಬಿತ್ತಲಿಲ್ಲ
ಆರ್ದತೆಯ ನುಡಿಗಟ್ಟು ಕಾವ್ಯ ರಚಿಸಲಿಲ್ಲ
ಕುರುಚಲ ಗಡ್ಡದಲಿ ವೈಧವ್ಯದ ಹಾಡು ಹಾqಲಿಲ್ಲ
ಆದರೂ ಪ್ರೀತಿಸಿದ್ದೆವು
೨
ಮುಂಗಾರಿನ ಮಳೆಯ ಪ್ರಥಮ ಮಳೆಯ ವಾಸನೆ
ಮೂಗಿಗೆ ಬಡಿಯಲಿಲ್ಲ
ಚಂದಿರಿನ ಸುಂದರ ಕಿರಣಗಳು ಚರ್ಮವು ಸುಡಲಿಲ್ಲ
ನಳ ನಳಿಸುವ ಗುಲಾಬಿಯ ಪಕಳೆಗಳ ಅಗತ್ಯ ಬೇಕಾಗಲಿಲ್ಲ
ಆದರೂ ಪ್ರೀತಿಸಿದ್ದೆವು

೩
ನಡೆದಾಡುವಾಗ ಗಾಳಿಯೊಳಗಣ ನೀರು ಹುಯ್ಯಲಿಲ್ಲ
ಸುಮ್ಮನೆ ಹಿಮದೊಳಗಿನ ಬೆಂಕಿ ಉರಿಯಲಿಲ್ಲ
ಹಾಗೆಯೇ ಕಲ್ಲೊಳಗಿನ ಹೇಮ ಮುಡಿಯಲಿಲ್ಲ
ಅಪ್ಪ ಅಮ್ಮರನು ಅಳಿಸಲಿಲ್ಲ
ಯಾವ ಪತ್ರಗಳ ವಿನಿಮಯದ ಕಸರತ್ತುಗಳು ಇರಲಿಲ್ಲ
ಆದರೂ ಪ್ರೀತಿಸಿದ್ದೆವು

೪
ಒಂದು ದಿನ ಸೋಮುವಾರದ ಸಂತೆಗೆ ಹೋಗಿದ್ದೆವು
ಅಂಗಡಿಯಲಿ ಮೂರುಪಾಕದ ಬಣ್ಣವ ತಂದಿದ್ದೆವು
ನೆರಳಿಲ್ಲದ ನೀರಿನಲಿ ಅದ್ದಿ ತೆಗೆದುವು
ಸರ‍್ಯನಿಲ್ಲದ ಬೆಳಕಿಗೆ ಒಡ್ಡಿದೆವು
ಆದರೂ ಪ್ರೀತಿಸಿದ್ದವು

೫
ಪ್ರೀತಿ ಮುರಿವ ಕಾರಣಗಳನು ಶಾಸ್ತ್ರೀಯವಾಗಿ ಅಭ್ಯಾಸಿಸಿದೆವು
ಯಾವ್ಯವ ಬ್ರಾö್ಯಂಡಿನ ಬ್ರೆವರೇಜುಗಳು ಉದ್ದಿಪನಗೊಳಿಸುತ್ತವೆ ಎಂದು ನೋಡಿದೆವು
ನರತಂತುಗಳನು ಹರಿಯುವು ಉತ್ತಮ ತಂತು ಯಾವುದೆಂದು ತಿಳಿದೆವು
ನೋಡುತ್ತಿದ್ದಂತೆ ಕಾರ್ತಿಕದ ಕಗ್ಗತ್ತಿನಲಿ ಒಂದು ದಿನ ಮಾಯವಾದೆವು