ಮನೆಯ ಹೆಬ್ಬಾಗಿಲಿಗೆ ನಮಿಸಿ..

ಕರೇಕೈಮನೆಯ ಹೆಬ್ಬಾಗಿಲಿಗೆ ನಮಿಸಿ

ರಜನಿ

ದೇವಾನುದೇವತೆಗಳನು
ತಲೆಯಲಿ ಹೊತ್ತಿರುವ
ನಮ್ಮಮನೆಯ ಹೆಬ್ಬಾಗಿಲು
ನಿತ್ಯವೂ ಗುಡಿಸಿ-ಸಾರಿಸಿ
ರಂಗೋಲಿಯಿಟ್ಟು ಅಲಂಕೃತ

ಅಜ್ಜ-ಮುತ್ತಜ್ಜರು ಪೇಟವನೇರಿಸಿ
ಉಸಿರು ಬಿಗಿಹಿಡಿದು
ಬುಗುಡಿಯೇರಿಸಿ
ತುರುಬುಕಟ್ಟಿದ
ಅಜ್ಜಿಯೊಂದಿಗೆ ಪೋಸುಕೊಟ್ಟು
ಖಾಯಮ್ಮಾಗಿ ಛಾಯೆಯಾದವರ
ಹೊಸ್ತಿಲು ದಾಟುವಾಗೆಲ್ಲ ದಿಟ್ಟಿಸುವ ಚಿತ್ರ
ನೋಡುತ್ತಲೇ ಪ್ರಾಯಸಲ್ಲುತ್ತ ನಡೆದಿದೆ

ಅಂಬೆಗಾಲಿಕ್ಕಿ
ಹೊಸ್ತಿಲ ಮೇಲೊಂದು ಕೈಯೂರಿ
ಪುಟ್ಟಪಾದಗಳನಿಟ್ಟು
ಹೆಬ್ಬಾಗಿಲವ ದಾಟಿದರೆ
ಅಜ್ಜ ಮುದ್ದಿಟ್ಟು
ಅಜ್ಜಿ ಬೆಲ್ಲ ತಿನಿಸಿದ ನೆನಪು

ಪಗಡೆ-ಗಜ್ಜುಗ ಹಿಡಿದು
ಗೆಳತಿಯರೊಂದಿಗೆ
ಕುಣಿ ಕುಣಿಯುತ ನಡೆದುದು
ಇದೇ ಹೆಬ್ಬಾಗಿಲನು ದಾಟಿ

ಮೈಯೆಲ್ಲ ಅರಳಿ
ಪುಟಿಪುಟಿಯುತ ಜಿಗಿದು
ತಲೆಬಾಗಿಲು ಬಡಿದು
ಹಣೆಯ ಗಾಯದ ಕಲೆ
ಹಾಗೇ ಉಳಿದಿದೆ ಇನ್ನೂ

ಹೆಬ್ಬಾಗಿಲು ಇದ್ದಕ್ಕಿದ್ದಂತೆ
ಎತ್ತರದ ಕೋಟೆಯಂತಾಗಿದ್ದು
ಸೋಜಿಗವು
ಮುಂದೆಲ್ಲ ಹೊಸ್ತಿಲನು ದಾಟುವ
ಸಾಹಸವು

ಅಮ್ಮನ ಬೇಗುದಿ ಕಳೆದು
ಅಪ್ಪನ ಹೆಗಲ ಭಾರವ ಇಳಿಸಿ
ಅವನ ಜೊತೆ
ಹೆಬ್ಬಾಗಿಲನು ದಾಟಿನಡೆದಾಗ
ನೆಮ್ಮದಿಯ ನಿಟ್ಟುಸಿರು ಬೆನ್ನಹಿಂದೆ

ಮೈಬಿರಿದು
ಒಡಲ ಭಾರವನಿಳಿಸಿ
ಕೈತುಂಬಿದ ಕಂದಮ್ಮನೊಂದಿಗೆ
ಇದೇ ಹೆಬ್ಬಾಗಿಲನು ದಾಟಿದ
ಮಧುರ ನೆನಪು

ಹೋಗಿಬರುವರೆಲ್ಲರ ಲೆಕ್ಕವಿಡುವ
ಹೆಬ್ಬಾಗಿಲಿಗೂ ಹೇಳದೆ
ಇದ್ದಕ್ಕಿದ್ದಂತೆ ಮೂಕನಾದ
ಅಪ್ಪ ನಮ್ಮ ಬಿಟ್ಟು
ನಡೆದುದು ಇದನು ದಾಟಿಯೆ

ಈಗ ನೌಕರಿಯಿಲ್ಲ
ನಮ್ಮ ಮನೆಯ ಹೆಬ್ಬಾಗಿಲಿಗೆ
ಬರುವವರ ಸ್ವಾಗತವಿಲ್ಲ
ನಡೆವವರ ವಿದಾಯವಿಲ್ಲ
ಬಂದುಹೋಗುವವರ
ಗುರುತು ರುಜುವಾತು
ಇಡುವ ಕೆಲಸವಿಲ್ಲ
ಜನ ಕರಗಿ
ಊರು ಕರಗಿ
ನಿರ್ಜನವಾದುದರ
ಲೆಕ್ಕ ಬರೆಯುತ್ತಲಿದೆ
ತೆರೆದ ಹೆಬ್ಬಾಗಿಲು…

‍ಲೇಖಕರು avadhi

December 13, 2017

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

5 ಪ್ರತಿಕ್ರಿಯೆಗಳು

  1. Medha Konaje

    so true …

    ಹೋಗಿಬರುವರೆಲ್ಲರ ಲೆಕ್ಕವಿಡುವ
    ಹೆಬ್ಬಾಗಿಲಿಗೂ ಹೇಳದೆ
    ಇದ್ದಕ್ಕಿದ್ದಂತೆ ಮೂಕನಾದ
    ಅಪ್ಪ ನಮ್ಮ ಬಿಟ್ಟು
    ನಡೆದುದು ಇದನು ದಾಟಿಯೆ

    ಪ್ರತಿಕ್ರಿಯೆ
  2. ನೂತನ ದೋಶೆಟ್ಟಿ

    ನೆನಪುಗಳು ಸಾಮಾಜಿಕ ಚಿತ್ರಣವನ್ನೇ ತರೆದಿಟ್ಟಿವೆ

    ಪ್ರತಿಕ್ರಿಯೆ
  3. Shruthi

    ಮನಕಲಕುವ ಕವಿತೆ… ಎಷ್ಟೊಂದು ನೆನಪುಗಳು ಪ್ರವಾಹದಂತೆ ನುಗ್ಗಿ ಆಪ್ತವಾಗಿದ್ದ ಯಾವುದೋ ಒಂದನ್ನು ಕಳೆದುಕೊಂಡ ಭಾವ ಆವರಿಸಿತು. ಒಳ್ಳೆಯ ಕವಿತೆ. ಧನ್ಯವಾದಗಳು.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: