ಜೋಕೆ !
-ಶ್ರೀನಿವಾಸ ಡಿ. ಶೆಟ್ಟಿ
ಹನಿಯೊಡೆದ ಮೋಡ ಬಿತ್ತುವುದು
ಕಾಯಿರಿ ನೀವು
ಬಿತ್ತದಿರಿ ಅದು ಬಿತ್ತುವವರೆಗೆ
ಅಥವಾ
ಕಣ್ಕಟ್ಟು ಪ್ರವೀಣ ಸರ್ಕಾರ
ಬಿತ್ತಲಿ ಮೋಡ
ಅದುವರೆಗೂ ಸುಡಲಿ ಬೆಂದ ಒಡಲು
ಇಲ್ಲವಾದರೆ
ದಢೂತಿ ಪಂಡಿತ ಉಸುರಲಿ
ಎಂಜಲೊಂದಿಗೆ ಹಾರಲಿ ಮಂತ್ರ
ಅಲ್ಲಿಯ ತನಕ ಸುರಿಯುತ್ತಿರಿ ಹವಿಸ್ಸು
ಅಯ್ಯೋ! ಮುಗಿಯಿತೇ ಆಯಸ್ಸು?
ಸಾಕು, ತಡ ಮಾಡಿದ್ದು
ನಾಳೆ, ನಾಡಿದ್ದು ಎಲ್ಲ ಒಂದೇ ಇಂದಿನಂತೆ
ಸುರಿಯಲಿ, ಸುರಿಸಲಿ
ನೀವು ಮಾತ್ರ ಬಿತ್ತಿ ಬೀಜ
ಜೋಕೆ!
ಕೀಳುವವರ ಸಾಲು ಬಲು ಉದ್ದ
ಅವಕಾಶಕ್ಕೆ ಬೇಕು ಅವಕಾಶ
ಕಾಯಬೇಕು ಸಾವಕಾಶ
ಭವಗಳ ಕಳೆದು
ಹೊಸ ಜೀವ ತಳೆದು
ನೀವು ನೀವಾಗಿಯೇ ಅವರಾಗಿ
ಜೋಕೆ!
ನೀವು ಅವರಾಗುವ ದಿನ
ಅವರು ನೀವಾಗುವುದಿಲ್ಲ
ನೀವು ನೀವಾಗಿಯೇ ಇರಲು
ಅವರು ಬಿಡುವುದಿಲ್ಲ
ನೀವು ನೀವಾಗಿಯೇ ಅವರಾಗಿ……ನಾನಾ ಅರ್ಥಗಳನ್ನು ಧ್ವನಿಸುವ ಸಾಲುಗಳು ಇಷ್ಟವಾದವು.ಏನೋ ಕಡಿಮೆಯಾಗಿದೆ ಅನಿಸಿತು……….
Good Poem.. Sir
last stanza is super kano.. i like vry much