ನಲ್ಲೆ ಮುಡಿದ ಮಲ್ಲಿಗೆ…

ವಿಜಯಕುಮಾರ ನೇರ್ವೆಕರ

ನಲ್ಲೆಯು ಮುಡಿದ ಮಲ್ಲಿಗೆ ಹೂವು
ಸೂಸಿರೆ ಪರಿಮಳವ
ಹೇಳುವುದೇಗೆ ಅಲ್ಲಿಯೇ ಕುಳಿತ
ನಲ್ಲನ ತಳಮಳವ
ನಲ್ಲನಿಗೇನೋ ನಲ್ಲೆಯ ಗಲ್ಲವ
ಚುಂಬಿಸುವ ತವಕ
ಏನು ಮಾಡುವುದು ಕಾಯಲೇ ಬೇಕಿದೆ
ಒಪ್ಪಿಗೆ ಸಿಗುವ ತನಕ

ಹೂದೋಟದ ತೂಗು ಮಂಚದ ಮೇಲೆ
ಒಂದಂಚಲಿ ಅವಳು
ಇನ್ನೊಂದಂಚಲಿ ಇವ ಕುಳಿತಿರುವ
ನೋಡುತ ಮುಗಿಲು
ಇಳೆಯನು ಚುಂಬಿಸಿ ಕಾಲ್ಬೆರಳುಗಳು
ತೂಗುಮಂಚವ ತೂಗಲು
ನಕ್ಕಳು ಆಕೆ ನಲ್ಲನ ನೋಡಿ
ಸರಿಸುತಲಿ ಮುಂಗುರುಳು

ಸರಿದನು ಅವಳೆಡೆ ನಲ್ಲನು
ನಗುವಿನ ಅನುಮತಿಯು ಸಿಗಲು
ಮೆಲ್ಲನೆ ಮೆತ್ತನೆ ಕಯ್ಯನು ಹಿಡಿದನು
ತಾಕಿಸಿ ಹೆಗಲಿಗೆ ಹೆಗಲು
ಪ್ರೀತಿಯ ಮಾತಿಗೆ ಸೋತಿತು ನಾಚಿಕೆ
ಸತ್ತಿತು ಮನದೊಳಗಿನ ದಿಗಿಲು
ತೋಳಲಿ ತೋಳು ಬಂಧಿಯಾಗಲು
ಬೆರೆಯಿತು ನೆರಳಿನಲಿ ನೆರಳು

ಸಿಹಿಮುತ್ತುಗಳ ವಿನಿಮಯವಾಯಿತು
ತಣ್ಣನೆ ಗಾಳಿಯು ಬೀಸಿರಲು
ರವಿ ತಾ ನಾಚುತ ಮರೆಗೆ ಸರಿದನು
ಸುತ್ತಲೂ ಕವಿಯಿತು ಇರುಳು
ಹೊತ್ತು ಕಳೆಯಿತು ಹೊರಡಲೇ ಈಗ
ಎಂದು ನಲ್ಲೆಯು ಕೇಳಿದಳು
ಮತ್ತೆ ಸಿಗುವ ನಂಬಿಕೆಯ ಮೇಲೆ
ತಯಾರಾದನು ನಲ್ಲನು ಬೀಳ್ಕೊಡಲು

‍ಲೇಖಕರು Admin

November 20, 2022

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: