‘ಹಂಗಾಮಾ’ ಎನ್ನುವ ಪತ್ರಿಕೆ ಇತ್ತು. ವೆಂಕಟರಮಣ ಗೌಡರು ತಮ್ಮ ಎಲ್ಲಾ ಕನಸುಗಳನ್ನು ಒಟ್ಟುಗೂಡಿಸಿ ಹುಟ್ಟುಹಾಕಿದ ಮಿನಿ ‘ಭಾವನಾ’ ಅದು. ಅಲ್ಲಿ ಕಾಣಿಸಿಕೊಂಡ ಕನಸುಗಂಗಳ ಹುಡುಗಿ ‘ಗಾನಾ’. ಆ ನಂತರ ಬದುಕಿನ ಬಂಡಿ ಸಾಕಷ್ಟು ದೂರ ನಡೆದು ಬಂತು. ಹಂಗಾಮಾ ಬದಲಿಗೆ ಒಂದು ‘ಅವಧಿ’ ಮೂಡಿ ಬಂತು. ಆಶ್ಚರ್ಯ ಎಂಬಂತೆ ಗಾನಾ ಬದಲಿಗೆ ಒಬ್ಬ ‘ಚೇತನಾ’ ಮೂಡಿಬಂದರು.

ಗಾನಾ, ಚೇತನಾ ಹೀಗೆ ದ್ವಿಪಾತ್ರದ ಹುಡುಗಿಯ ಸಂಕಲನ ಈಗ ಬೆಳಕು ಕಾಣುತ್ತಿದೆ. ನೇರ ಮಾತು, ಬೇಕಾದಷ್ಟೇ ಮಾತು ಚೇತನಾರ ಗುಣ.

ಪುಸ್ತಕದ ಹೆಸರು ಇನ್ನೇನಿದ್ದೀತು. ನೀವು ಪ್ರೀತಿಸಿದ ಭಾಮಿನಿ ಷಟ್ಪದಿಯೇ ಪುಸ್ತಕದ ಹೆಸರು. ಪ್ರತಿ ಕಾಯ್ದಿರಿಸಿ ಎಂದು ಘೋಷಿಸಿದ್ದೆ ತಡ ಸಾಕಷ್ಟು ಓದುಗರು ಮೈಲ್ ಮೂಲಕ ತಮ್ಮ ಪ್ರತಿ ಬುಕ್ ಮಾಡಿದ್ದಾರೆ. ನಿಮಗೂ ಬೇಕಾದಲ್ಲಿ ಆದಷ್ಟೂ ಬೇಗ avadhi.pusthaka@gmail.com ಮೈಲ್ ಮಾಡಿ.