ಒಡಲ ಕಿಚ್ಚು!

ಸುನೀತ ರಾವ್ ಆರ್

ಅವಳ ಬಾಲ್ವಾಡಿಯ ದಿನಗಳು,
ಟೀಚರ್ ಕಲಿಸಿದ ‘ಬೋಟ್ ಮೇಕಿಂಗ್’

ಆಗ,
ಬಕೆಟ್ ನೀರಿನಲ್ಲಿ ಸುತ್ತುಹರೆದಿದ್ದ ದೋಣಿ
ಒಳಗೊಂದು ಮಿಂಚುಹುಳ
“ಟಾರ್ಚ್ ಅಮ್ಮ ಇದು”
ಮಗಳ ಕೇಕೇ, ಚಪ್ಪಾಳೆ

ಈಗ,
ಮಗಳ ಕತ್ತಿದೋಣಿ
ಉರಿದೀತೋ, ಮುಳುಗೀತೋ

“ನಿಮ್ಮಮ್ಮ ಮಾರಿ ಕಣೇ!”
ಜನರ ಅಂಬೋಣ

ದನಿಯೆತ್ತಿದರೆ ಬೆಂಕಿ
ದನಿಗೂಡಿಸಿದರೆ ದೀಪ್ತೆ

ಕಟಕಟೆಯ ಹಸೆಮಣೆ
ಅಗಲಿಕೆಯೇ ಆಮ್ಲಜನಕವಾ

ನೀರೆಲ್ಲಿ, ನಾನೆಲ್ಲಿ?
ಅರಸಬೇಕಷ್ಟೆ ಒಳ ತೃಷೆಯ

ಇಕೋ, ನನ್ನ ಕಿಚ್ಚು
ಹಣತೆ ಹಚ್ಚು
ನೀರಿನಾಲಿಂಗನದಲ್ಲಿ
ಬೆಂಕಿ ಬೆಳಕಾದೀತು!