ಕೊಟ್ರೇಶ್ ಅರಸೀಕೆರೆ ಕವಿತೆ- ನಾವೆಂದೂ ಪ್ರೇಮಿಗಳಾಗಲೇ ಇಲ್ಲ…

ಕೊಟ್ರೇಶ್ ಅರಸೀಕೆರೆ

ನಾವೆಂದೂ ಪ್ರೇಮಿಗಳಾಗಲೇ ಇಲ್ಲ
ಏಕೆಂದು ಈಗ ಕಾರಣ ಹುಡುಕುತ್ತಿರುವೆ

ಕೈ ಹಿಡಿದು ಎಂದೂ ನಡೆಯಲಿಲ್ಲ
ಭುಜ ಭುಜ ಒರಗಿ ಕೂರಲಿಲ್ಲ
ನಗಲಿಲ್ಲ ಒಮ್ಮೆಯೂ ಬೆನ್ನು ಬೆನ್ನು
ಆನಿಸಿಕೊಂಡು

ತುಟಿ ತುಟಿ ಒತ್ತಿಕೊಂಡು ದೀರ್ಘವಾಗಿ
ಚುಂಬಿಸಲಿಲ್ಲ
ಕಳೆದುಕೊಂಡ ತೂಕವ ಲೆಕ್ಕಾಚಾರ
ಹಾಕಲಿಲ್ಲ
ಹಾಸ್ಯಪ್ರಜ್ಞೆಯನು ಬೆಳೆಸಿಕೊಳ್ಳಲಿಲ್ಲ

ಮಾತಾಡಿದೆವು ಗಂಟೆಗಟ್ಟಲೆ ಬಿಸಿಯಾಗುವವರೆಗೂ ನಮ್ಮ
ಫೋನ್ ಬ್ಯಾಟರಿಗಳು
ಒಬ್ಬರ ಮೇಲೆ ಒಬ್ಬರು ಆರೋಪ
ಮಾಡಿದೆವು
ಮುನಿಸಿಕೊಂಡೆವು ಸುಮ್ಮ ಸುಮ್ಮನೆ

ನಾವು ಭೇಟಿಯಾದಾಗ ಸೃಷ್ಟಿಸಿಕೊಳ್ಳಲಿಲ್ಲ ಖಾಸಗಿ
ಕ್ಷಣಗಳ
ಒಮ್ಮೆಯೂ ತಬ್ಬಿಕೊಳ್ಳಲಿಲ್ಲ
ಹೃದಯಗಳು ಒಂದಾಗುವಂತೆ

ವಿಶ್ವಾಸವಿಡಲಿಲ್ಲ ನಮ್ಮ ಮೇಲೆ
ಬೇರೆಯವರ ಅವಿಶ್ವಾಸದ ಬಗ್ಗೆ
ಮಾತಾಡಿಕೊಂಡೆವು

ನಾವೆಂದೂ ಪ್ರೇಮಿಗಳಾಗಲೇ ಇಲ್ಲ
ಸತ್ಯವಾಗಲೂ ನಮ್ಮ ಹೃದಯಗಳ
ಮೇಲಾಣೆ

ಎಲ್ಲಕ್ಕಿಂತ ಮುಖ್ಯ ಕಾರಣ
ಹುಡುಕಿರುವೆ
ನಮಗೆ ಪ್ರೇಮವೆಂದರೇನೆಂದು
ಗೊತ್ತೇ ಇರಲಿಲ್ಲ

‍ಲೇಖಕರು Admin

September 21, 2022

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

2 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: