ಅವನಿಲ್ಲ
ನನಗೂ ಗೊತ್ತಿದೆ,
ನನ್ನದು ಉಸಿರುಗಟ್ಟಿಸೋ ಪ್ರೀತಿಯೆಂದು
ನನ್ನ ಪ್ರೀತಿಯ ಮುದ್ದಿಗೆ
ಚಿಕ್ಕ ಮಕ್ಕಳಾಗಿದ್ದರೆ
ಓ ಎಂದು ಅಳುತ್ತಿದ್ದವು !
ಇವನೋ
ಓಹೋ! ಎಂದು ಮರೆಯಾದ
ಕಣ್ಮರೆಯಾದ,
ನಾನಲ್ಲದ ನನ್ನವೇ ಕೆಲ ಸಂಭ್ರಮಗಳಿಗೆ
ಸುಮ್ಮನೆ ಬೆರಗಾಗಿ
ಅನಿಸತೊಡಗಿದೆ ನನಗೀಗ
ನೋವುಗಳನು ಮುಚ್ಚಿಡುವುದೂ ತಪ್ಪೇ
ಸುಳ್ಳೇ ಸಂಭ್ರಮಗಳಡಿಗಳಲಿ
ಅವ ಹೊರಟ ಸುಳಿವಿತ್ತು
ಬೇಸರಕೆ ನಾನೇ ಬಂಧ ಸಡಿಲಿಸಿದೆನೋ
ಅವನೇ ಜಗ್ಗಿ ಬಿಸುಟುಕೊಂಡನೋ
ಕಣ್ಗಳು ಕಲ್ಪನೆಗಳಲ್ಲೇ ಹೂತಿವೆ,
ಅವನಿಲ್ಲ ಎದುರಲಿ,
0 ಪ್ರತಿಕ್ರಿಯೆಗಳು