ಉಷಾ ಕಟ್ಟೆಮನೆ ನಿನ್ನೆ ’ಕೆಡ್ಡಸ’ದ ಎರಡನೆಯ ದಿನ. ತುಳುನಾಡಿನ ವಿಶಿಷ್ಟ ಆಚರಣೆಯಿದು. ಭೂಮಿಯನ್ನು ಸ್ತ್ರೀಗೆ ಹೋಲಿಸಿದ ನಮ್ಮ ಪೂರ್ವಜರು, ಅವಳು ಕೂಡಾ ವರ್ಷಕ್ಕೊಮ್ಮೆ ರಜಸ್ವಲೆಯಾಗುತ್ತಾಳೆ ಎಂದುಕೊಂಡು ಆ ನಾಲ್ಕು ದಿನಗಳನ್ನು ಹಬ್ಬವನ್ನಾಚರಿಸುತ್ತಾರೆ. ಆಕೆಯ ಋತುಸ್ನಾನ [ಸೋಮವಾರ]ದಂದು ಮನೆಯ ಅಂಗಳವನ್ನು ಸೆಗಣಿ ನೀರಿನಿಂದ ಸಾರಿಸಿ ಮಣೆಯ ಮೇಲೆ ಕಳಶವನ್ನಿರಿಸಿ, ಬಳೆ-ಕುಂಕುಮ,ಬಾಚಣಿಗೆಯನ್ನಿಟ್ಟು, ಎದುರಲ್ಲಿ ಮಾವು, ಹಲಸು ಸರಳಿ ಎಲೆಗಳನ್ನಿಟ್ಟು ಕುರ್ದಿ ನೀರನ್ನು ಸಿಂಪಡಿಸಿ, ಗರಿಕೆಯ ಹುಲ್ಲಿನಿಂದ ಭೂಮಾತೆಗೆ ಹಾಲನ್ನೆರೆದು, ಬಳಿಕ ಎಣ್ಣೆಯನ್ನು ಬಿಡುತ್ತಾರೆ. ತುಳುನಾಡಿನಲ್ಲಿ ಹುಡುಗಿ ಋತುಮತಿಯಾದಾಗ ಮತ್ತುಕೆಡ್ಡಸದಲ್ಲಿ ’ನನ್ನೆರಿ’ ಎಂಬ ತಿಂಡಿ ಮಾಡುವುದು ಸಂಪ್ರದಾಯ. ಈ ನಾಲ್ಕು ದಿನಗಳಲ್ಲಿ ಆಕೆಗೆ ಯಾವ ರೀತಿಯಲ್ಲೂ ನೋವಾಗಬಾರದೆಂದು ಯಾವುೇ ಕೃಷಿ ಚಟುವಟಿಕೆಗಳನ್ನು ನಡೆಸುವುಇದಿಲ್ಲ. ಪುಷ್ಫವತಿಯಾದ ಭೂತಾಯಿ ಫಲವತಿಯಾಗಲು ಹೊರಟಾಗ ಮಕ್ಕಳು ಸಂಭ್ರಮ ಪಡುವ ಪರಿಯಿದು  ]]>