ಪ್ರಿಯರೆ,

ಈ ಹಿಂದೆ ಒಮ್ಮೆ ತಿಳಿಸಿದ್ದೇನೆ.ಫೆಬ್ರವರಿ ೧೭ ರ ಭಾನುವಾರ ನನ್ನ ಹೊಸ ಪುಸ್ತಕ “ಅಪ್ಪ ಅಂದ್ರೆ ಆಕಾಶ “ಬಿಡುಗಡೆ ಆಗಲಿದೆ.ಅಂದು ಮಧುರ ಭಾವಗೀತೆಗಳ ಗಾಯನ ಕಾರ್ಯಕ್ರಮ ಇರುತ್ತದೆ.ಬೆಳಗ್ಗೆ ೧೦.೩೦ ಕ್ಕೆ ಕಾರ್ಯಕ್ರಮ ಶುರು.ನೀವು ಅವತು ದಯವಿಟ್ಟು ಬರಬೇಕು..ಬರಲೇಬೇಕು.

೯ ವರ್ಷದ ಹಿಂದೆ ನಡೆದ ಸುನಾಮಿ ದುರಂತದಲ್ಲಿ ೩ ಮಕ್ಕಳು ಮತ್ತು ೮ ಜನ ಬಂಧಗಳನ್ನು  ಕಳೆದುಕೊಂಡ ನಂತರ ೩೮ ಅನಾಥ ಮಕ್ಕಳಿಗೆ ಅಪ್ಪ ಅಮ್ಮ ಆದವರು ನಾಗಪಟ್ಟಣಂ ನ ಪರಮೇಶ್ವರನ್-ಚೂಡಾಮಣಿ ದಂಪತಿ. ಇವರ ಬದುಕಿನ ಕಥೆ ಕೂಡ ಬಿಡುಗಡೆ ಆಗಲಿರುವ ಪುಸ್ತಕದಲ್ಲಿದೆ. ಅವರಿಗೆ ಪುಸ್ತಕದ ಮೊದಲ ಪ್ರತಿ ಕೊಡಬೇಕು ಎಂಬುದು ನನ್ನ ಆಸೆ-ಕನಸು…ಈ ಸಂಗತಿಯನ್ನು ಅವರಿಗೆ ತಿಂಗಳ ಹಿಂದೆಯೇ ತಿಳಿಸಿದ್ದೆ..ಮೊನ್ನೆ ಏನಾಯಿತು ಅಂದರೆ…ಕಾರ್ಯಕ್ರಮ ಇರುವುದು ಜನವರಿಯಲ್ಲಿ ಎಂದು ಕನ್ಫ್ಯೂಸ್ ಮಾಡಿಕೊಂಡು ಆ ದಂಪತಿ ಬೆಂಗಳೂರಿಗೆ ಬಂದೇ ಬಿಟ್ಟಿದ್ದರು . ಆ ದಂಪತಿಯ ಪ್ರೀತಿ,ತ್ಯಾಗ,ಕಾಳಜಿ ಕಂಡು ನನಗಂತೂ ಮಾತು ಹೊರಡಲಿಲ್ಲ. ಮುಂದಿನ ತಿಂಗಳು ದಯವಿಟ್ಟು ಬನ್ನಿ ಎಂದು ಮತ್ತೆ ಮತ್ತೆ ವಿನಂತಿಸಿ ಅವರನ್ನು ಬೀಳ್ಕೊಟ್ಟೆ .
ಇಲ್ಲಿ ಪುಸ್ತಕದ ಮುಖಪುಟದ ಸ್ಯಾಂಪಲ್ ಇದೆ. ಒಮ್ಮೆ ಗಮನಿಸಿ…

ಪ್ರೀತಿಯಿಂದ..

ಮಣಿಕಾಂತ್.