ಮಾಲತಿ ಗೋರೆಬೈಲ್
**
1
ನಿನ್ನ ಮೇಲಿನ ಪ್ರೀತಿಗೆ
ಸಾಕ್ಷಿಯಾಗಿವೆ
ನನ್ನ ಕಣ್ಣುಗಳು.
2
ಕಣ್ಣ ಹನಿಗಳನ್ನು
ಜತನದಿಂದ ಉಳಿಸಿಕೋ.
ಬೇಕಾಗಬಹುದು
ತೀವ್ರ ಬರಗಾಲವಿದೆ.
3
ಜ್ವರದ ಕಾವು ಇಳಿಯಲು
ಸುರಿಯಬೇಕು
ಪ್ರೀತಿಯ ಮಳೆ
4
ಇಷ್ಟೊಂದು ಬೇಗೆಯಲ್ಲೂ
ತಣ್ಣಗಿರುವ ನೀನು
ಇರಬಹುದು
ಮಡಿಕೆಯ ಸಹಚಾರಿ !
5
ಅರಿವಿರದಂತೇ
ಸೆಳೆಯುವದು
ಒಲವ ರೀತಿ…
6
ನಿನಗೆ ಅಲ್ಲಿ ಚಡಪಡಿಕೆ ಜೋರಾಗಿದೆ
ಎಂದರೆ ನಾನಿಲ್ಲಿ
ಶೂನ್ಯವಾಗಿರುತ್ತೇನೆ..
7
ನನ್ನದೆಯ ನವಿಲು ಗರಿಬಿಚ್ಚಿದರೆ
ನೀನು ಸೋನೆ ಮಳೆಯಾಗಿಬಿಡುವೆ..
8
ಕಾಡು ಸುಮದ ಘಮಕೆ
ಹೆಸರಿನ ಮೊಹರು ಬೇಕಿಲ್ಲ..
9
ತಂಗಾಳಿಯಾಗಿ ಬಾ,
ಬೆವರು ಬದುಕಾಗಿಬಿಡುತ್ತದೆ!
10
ಕಾರಣವಿಲ್ಲದೆ ಕಮರುವ ಪ್ರೀತಿಗೂ
ಚಿಗಿಯುವ ತವಕ!
ತುಂಬಾ ಆಪ್ತ ಸಾಲುಗಳು