ಗೀತಾ ಹೆಗ್ಡೆ 

ನನ್ನಜ್ಜಿ ಬಾಯಿ ಸದಾ ಕೆಂಪು
ಕಾರಣ ಹೇಳಬೇಕಾ?
ಅದು ನಿನ್ನಂತೆ!

ಒಳಗಿರುವ ಎಲೆ ಅಡಿಕೆ
ಜಗಿದೂ ಜಗಿದೂ ನಜ್ಜು ಗುಜ್ಜಾಗಿಸಿ
ಕೆಂಪು ಲಾವಾರಸ ಹೊರ ಸೂಸಿದ ತುಟಿ ಬಣ್ಣ
ಮುಖ ಸುಕ್ಕು ಶಿವನ ಪಾದ ಸೇರಿದ ಹಲ್ಲು
ವಸಡೊಂದೇ ಆಧಾರ ಅಗಿಯಲು.

ನೀ ಬಿಡು
ಅದಾವ ತಾತನ ಕಾಲದವಳೊ?
ನೋಡು ಹೇಗಾಗಿದೀಯಾ
ಮಣ್ಣಲ್ಲಿ ಹೊರಳಾಡಿದೆಯಾ?
ಇಲ್ಲ ಯಾವ ಮೂಲೆ ಲಟಾರಿ ಟ್ರಂಕಲ್ಲಿ
ತುಕ್ಕು ಹಿಡಿದು ಜಡವಾಗಿ ಕೂತಿದ್ದೆ?
ಅದೇಗೆ ಸಿಕ್ಕೆ?
ಯಜಮಾನನಿಗೆ ನೀ ಸಿಕ್ಕ ವೇಳೆ
ಕುಣಿದಾಡುವಷ್ಟು ಖುಷಿ ಆಗಿರಬೇಕಲ್ಲವೆ?

ಅದು ಹಾಗೆ
ಈಗಿನ ಮಂದಿ ಹೊಸ ಮನೆಗೆ
ಹಳೆ ಕುಸುರಿ ಬಾಗಿಲು ಮಂಚ ತಂದಿಟ್ಟು
ಬಂದವರ ಮುಂದೆ ಬೀಗುವುದಿಲ್ಲವೆ?
ಬಿಡು ನೀನೂ ಹಾಗೆ.

ಈಗ ನನ್ನ ಕಣ್ಣೆದುರು ಬಂದು
ಸವಾಲು ಹಾಕಿ ಸೊಟ್ಟ ಮೂತಿ
ಓದಲು ನಂಗೊತ್ತಿಲ್ಲದ ಇಂಗ್ಲಿಷ್ ಹೆಸರು,
ಮಾಸಲು ಬಣ್ಣ
ತುಕ್ಕು ಹಿಡಿದ ದೇಹ
ಎಲ್ಲಾ ಪ್ರದಶಿ೯ಸಿ
ಕೈಕಾಲು ನೆಟ್ಟಗೆ ಇಲ್ಲದಿದ್ದರೂ
ನೀ ಹಳೆ ಕಾಲದವಳಾದರೂ
ಅದೆಷ್ಟು ಧಿಮಾಕೆ
ನನ್ನ ಅಜ್ಜಿ ತರ!

ಪರವಾಗಿಲ್ಲ ಬಿಡು ನನಗೇನು ಬೇಜಾರಿಲ್ಲ
ನೀ ಮಾತ್ರ ಒಮ್ಮೆ ನನ್ನ ದೇಹ ಕ್ಲಿಕ್ಕಿಸು
ನಿನ್ನಲ್ಲಿ ನಾ ಸೇರಿ
ನಿನ್ನ ಗುಡಾಣವೆಲ್ಲ ಸುತ್ತಾಡಿ
ಬೇಕಾದರೆ ಆಯಿಲ್ ಬಾತ್ ಮಾಡಿಸಿ
ಸವೀ೯ಸ್ ಚಾಜು೯  ಏನೂ ಬೇಡ
ಫೋಟೋ ಮಾತ್ರ ಕ್ಲಿಕ್ ಆದರೆ ಸಾಕು
ಕ್ಷಣ ಕ್ಷಣವೂ ನೋಡಿ
ನಾನೂ ಕುಣಿದಾಡುವೆ
ನಿನ್ನ ಯಜಮಾನನಂತೆ
ಓಕೇನಾ?