ಮೀನು ಅಂಗಡಿಯಲ್ಲಿ..

 ವಿ ಎಸ್‌  ಶಾನಭಾಗ್‌

 

ಎಲ್ಲಿದೆಯೇ ಮೀನು ಮೀನಾ

ಇಲ್ಲೆ ಇದೆಯಮ್ಮ

ಬರ್ಫು, ಪೆಟ್ಟಿಗೆ ತಕ್ಕಡಿ

ಇಲ್ಲೆ ಇವೆಯಮ್ಮ

 

ಏನನ್ನೋ ಮರೆತಂತಿದೆ

ಮರೆಯುವುದು ಹೇಗೆ

ಏನನ್ನೋ ನೆನೆದಂತಿದೆ

ಶಿಗಡಿ ಮೀನೇ ಹಾಗೆ

ಬಿಸಿ ನೀರಿದೆಯೇ ಮೀನಾ

ಶಿಗಡಿ ಮೀನಿನ ಅಡಿಗೆಗೆ

ಮೀನು ಬೇಕಾದಷ್ಟಿದೆಯಮ್ಮ

(ಕಣ್ಣಲ್ಲೂ ಜತೆಗೆ)

ಮಗುವನು ಹಿಡಿಯೇ ಹೀಗೆ

ಕಪ್ಪಿಡುವನು ಹಣೆಗೆ

ಮೈ ಬಿಸಿಯಾಗಿದೆಯಲ್ಲೆ

ವ್ಯಾಪಾರದ ಸಮಯಕ್ಕೆ.

 

ಮೀನು  ಕಡಿಯುವ  ಶಬ್ದಕ್ಕೆ

ಮಗು ಅಳುತಿದೆ

ಅಲ್ಲಾಡುವ  ಅವಳ ಮೈ

ಹಾಲು ಸಿಗದ ಹೆದರಿಕೆಗೆ

 

ಕಿಟಕಿಯ ಒಳಗೂ ಇರುವುದು

ಮೀನು, ಒಣಗಲಮ್ಮ ಹೋಗು

ಇಲ್ಲಿಂದಲೇ ಕೈ ತೋರುವೆ

ನಲ್ಲಿಂದಲೆ ಪರದೆ ಸರಿಸು

 

ಓಣಿಯುದ್ದಕೂ ಹಬ್ಬಿತು

ಹೋಗಿ ಬರುವವರ ಮೂಗು

ಎಲ್ಲಿದ್ದೀಯ ಮೀನಾ

ಎಲ್ಲಿದೆಯೆ?

 

ಮೀನು ಬೇಯುವ ಹಬೆಯಲಿ

ಹೊಟ್ಟೆಯಲಿ ಗಾಲಿ ಉರುಳು

ಇಲ್ಲೇ ಇದ್ದೇನಮ್ಮ

ಇಲ್ಲೇ ಇದ್ದೇನೆ

 

ಕಿಟಕಿಯ ಮುಚ್ಚಿಕೋ ಮೀನಾ

ಮೀನು ಬೇಯುವವರೆಗೆ

ಕಿಟಕಿ ಮುಚ್ಚಿದೆನಮ್ಮ

ಕಣ್ಣು ಬೀಳದ ಹಾಗೆ.

(ಕೆ ಎಸ್‌ ನ ರವರ  “ರೈಲು ನಿಲ್ದಾಣದಲ್ಲಿ” ಕ್ಷಮೆ ಕೋರಿ)

‍ಲೇಖಕರು nalike

May 21, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

೧ ಪ್ರತಿಕ್ರಿಯೆ

  1. T S SHRAVANA KUMARI

    ಕೆಲವು ಭಾವಗಳು ಸರಿಯಾಗಿ ಹೊಂದುವುದಿಲ್ಲ ಉದಾ. ಮಗುವನು ಹಿಡಿಯೇ ಹೀಗೆ…

    ಪ್ರತಿಕ್ರಿಯೆ

ಇದಕ್ಕೆ ಪ್ರತಿಕ್ರಿಯೆ ನೀಡಿ T S SHRAVANA KUMARICancel reply

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: