ಪದ್ಮಿನಿ ನಾಗರಾಜು ಹೊಸ ಕವಿತೆ- ಸಂಬಂಧಗಳು ಪಾಚಿಗಟ್ಟಿವೆ…

ಡಾ ಪದ್ಮಿನಿ ನಾಗರಾಜು

ಅವ
ನನ್ನ ಬದುಕಿನ ಅತಿಥಿಯೋ
ಅರಳಿಮರದ ನೆರಳೋ
ತಿಳಿವು ಮೂಡುವಾಗೆಲ್ಲಾ
ಅಹಂ ಬಡಿದು
ನಿಲ್ಲುತ್ತದೆ ಗೋಡೆಯಂತೆ

ಅವಳು
ಅಪ್ಪಿ ಮುತ್ತಿಟ್ಟದ್ದು
ಪ್ರೀತಿಗೋ ಮೋಹಕೋ
ನನ್ನವನೆಂಬ ಪೋಸೆಸಿವ್ವೋ
ಕೈಗೆ ಸಿಕ್ಕ ಹಕ್ಕಿಯಂತೆ
ಅಮುಕಿದಾಗೆಲ್ಲ ಸ್ವತಂತ್ರವಾಗುವ
ಕನಸು ಕಾಣುವೆ ಕಡಲಿನಂತೆ

ಮೋಹದ ಮುರುಳಿ
ನಾದ ನಿಲ್ಲಿಸಿದ್ದಾಗಿದೆ
ಕಾಲ ಕೆಳಗಿನ ಗರಿಕೆಯೂ
ಕೆದರಿ ನಿಂತಿದೆ ಮರದಂತೆ
ಕೊಟ್ಟ ಭಾಷೆ ಆಣೆಗಳು
ಮಣ್ಣು ಸೇರಿವೆ ಹೆಣದಂತೆ

ಒಂದೇ ಸಮ ಸುರಿವ
ಮಳೆಯಂತೆ ಸಂಬಂಧಗಳು
ಪಾಚಿಗಟ್ಟಿವೆ
ನೆಲದ ಆಳಕ್ಕೆ ಇಳಿಯದ
ಬೇರಿನಂತೆ ಪ್ರೀತಿ
ಸಡಿಲಾಗಿ ಕುಸಿಯುತ್ತಿದೆ
ಜಾರಿದ ತುಟಿಯ
ಮುತ್ತಿನಂತೆ ಮಾತು
ಮನವ ನೋಯಿಸುತ್ತಿದೆ

ಕೈಗೆ ಸಂಕೋಲೆ ಸಿಕ್ಕಿಸಿ
ಕೈದಿಯ ಬದುಕಂತೆ
ನಿನ್ನ ಹೃದಯದ ಜೈಲಿನಲ್ಲಿ
ಬಂಧಿಸಿಹ ಹಕ್ಕಿ ನಾನು
ಹೊರ ಬಂದು ಹಾರುವ
ಕನಸ ಹೊತ್ತು ಕುಳಿತಿರುವೆ
ನಂಬಿಕೆ ಮರದ ಕೊಂಬೆಗೋ
ನನ್ನ ಮನದ ರಕ್ಕೆಗೋ
ಅರಿಯಬೇಕಿದೆ

‍ಲೇಖಕರು Admin

November 29, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

೧ ಪ್ರತಿಕ್ರಿಯೆ

  1. ಡಾ.ರಾಧಿಕಾರಂಜಿನಿ

    ಪದ್ಮನಿ ಮೇಡಂ ಕವಿತೆ ಪಾಚಿಗಟ್ಟಿವೆ ಚೆನ್ನಾಗಿ ಮೂಡಿ ಬಂದಿದೆ, ಅಭಿನಂದನೆಗಳು.

    ಪ್ರತಿಕ್ರಿಯೆ

ಇದಕ್ಕೆ ಪ್ರತಿಕ್ರಿಯೆ ನೀಡಿ ಡಾ.ರಾಧಿಕಾರಂಜಿನಿCancel reply

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: