ನಿನಗೆ ನನ್ನ ಅಭಯ!

ಚೈತ್ರಾ ಶಿವಯೋಗಿಮಠ

ನನಗೊಂದು ರೀತಿಯ ಆನಂದ
ನಿನ್ನ ಮೌನ ಮತ್ತು ಭಯ.
ಇರಲಿ, ನೀನು ಮೃದುವಾದಷ್ಟು
ನಿನಗೆ ನನ್ನ ಅಭಯ!

ಯಾರನ್ನೂ ಮಾತನಾಡಿಸದಷ್ಟು
ನೀನು ಕೆಲಸದಲ್ಲಿ ಮಗ್ನ
ಕಡೆ ಪಕ್ಷ ನಿನ್ನಂತರತಮದ ಧ್ವನಿಗೂ
ಆಗಲಿಲ್ಲ ನಿನ್ನ ತಾಂತ್ರಿಕ ಪ್ರಗತಿಯ ತಪೋ ಭಗ್ನ!

ಉಡುವ ಬಟ್ಟೆಗೆ, ತಿನ್ನುವ ಹೊಟ್ಟೆಗೆ
ಅಂಕೆಯೇ ಇಲ್ಲದಷ್ಟು ಆಧುನಿಕತೆ!
ಮನಸ್ಸಿಗೂ ಮುಖವಾಡ, ನೂರಾರು.
ನಿನ್ನ ಪದಕೋಶದಿಂದಲೇ ಮಾಯವಾದ ಸಿನಿಕತೆ!


ಸದಾ ಚಡಪಡಿಕೆಯ ಮನಸ್ಸು
ಏನು ಮಾಡಲಿ ಏನು ಬಿಡಲಿ!
ಒಳಗೇ ಬೆಳೆದ ಕಳೆಯನ್ನ ಕೀಳಲೂ
ಪುರುಸೊತ್ತು ಇರಲಿಲ್ಲ, ಈಗ ನೋಡಿಲ್ಲಿ

ಪುರವೇ ಸತ್ತು ಹೋಗುವಂತಹ ಸ್ಥಿತಿ
ಕೀಳಬೇಕಾದನ್ನ ಕಿತ್ತು, ನೆಡಬೇಕಾದನ್ನ
ನೆಟ್ಟು, ನಿಜವಾದ ಔನ್ನತ್ಯವಾಗಲಿ
ಬೆಸೆಯಲಿ ದುರಿತ ಕಾಲ ಮನಸ್ಸುಗಳನ್ನ

ನನಗೆ ನೀಡಬೇಕಾದ ಕಾಣಿಕೆ
ಇದೇ ಮಗು! ನಿನ್ನನ್ನು ಕಾಡಿ
ಹೆದರಿಸಿ ಮನೆಯೊಳಗೆ ಬಂಧಿಸಿದ್ದೆ
ಈ ಕಾರಣಕ್ಕೆ! ನನ್ನನ್ನೂ ಪ್ರೀತಿ ಮಾಡಿ
ನಿನ್ನೊಡನಾಡಿಗಳನೂ ಪ್ರೀತಿಸು!
ಸಾಕು ನಿನ್ನ ಆವೇಗ ಮತ್ತು ಆ ವೇಗ
ಎರಡನ್ನೂ ನಿಧಾನಿಸು!

‍ಲೇಖಕರು nalike

August 19, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

೧ ಪ್ರತಿಕ್ರಿಯೆ

ಇದಕ್ಕೆ ಪ್ರತಿಕ್ರಿಯೆ ನೀಡಿ Nagraj Harapanahalli.karwarCancel reply

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: