ಸತ್ಯಮಂಗಲ ಮಹಾದೇವ ಹೊಸ ಕವಿತೆ- ಅಪರೂಪ

ಸತ್ಯಮಂಗಲ ಮಹಾದೇವ

ಸಖೀ
ಅಪರೂಪ ಅಪರೂಪ ನಿನ್ನಾ
ನಗೆಯೇ ಅಪರೂಪ
ಹಾಲು ಕೆನೆಗಟ್ಟುವುದು ಹದವಾಗಿಕಾದು
ನವನೀತಕೆ ದಾಟುವಾ ಸೋಜಿಗದಂತೆ
ಅಪರೂಪ

ಸಖೀ
ಮಳೆಯು ಹೆಣ್ಣಾಗಲು ಹರೆಯ
ಮರಳುವುದು ಭುವಿಗೆ
ಹಸಿರು ಕಾಣಿಸುವ ಆನಂದದ ಎತ್ತರ
ಅಪರೂಪ
ಆ ಹಸಿರು ಸೀರೆಯಲಿ ನಳನಳಿಸುವ ನಿನ್ನ
ಜಗವು ಜವ್ವನೆಯ ಜಪವನೆ ಮರೆವುದು
ಅಪರೂಪ

ಸಖೀ
ಭಾವ ಪಲ್ಲವಿಸೆ ಮನಸು ನವಿಲಾಗುವುದು
ಕನಸೊಡೆಯುವ ಬಣ್ಣದ ಕನಸಿಗೆ
ಮೈ ಮರೆಸುವ ನೀಲಿಯ ಅಪ್ಪುಗೆ
ಅಪರೂಪ
ನೀಲಿಗೆ ನಿಲುಕದ ನಿನ್ನ ನಯನದ
ಕನಸುಗಳೇ ಅಪರೂಪ

ಸಖೀ
ಸ್ಪರ್ಷಕೆ ಕಾಯುವ ಕಣ್ಣಿನ ನೋಟವು
ಅಪರೂಪ
ಜಿಂಕೆಯ ಹೊಂಬಣ್ಣದ ಜಿಗಿತವೆ
ಅಪರೂಪ
ನಿನ್ನ ಕಣ್ಣಲಿ ನೋಟಕೆ
ಸೋತ ಕವಿಯ ಸಾಲು ಅಪರೂಪ

‍ಲೇಖಕರು Admin

September 21, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: