ರವಿಕಾಂತೇ ಗೌಡ ಹೊಸ ಕವಿತೆ- ನನಗೆ ಕತ್ತಲೆಂದರೆ ಇಷ್ಟ!..

ರವಿಕಾಂತೇ ಗೌಡ

ಕತ್ತಲೆಂಬುದು ಕತ್ತಲಲ್ಲ !
ನನಗೆ ಕತ್ತಲೆಂದರೆ ಇಷ್ಟ!
ಕಾವ್ಯದ ಮುಂಚೆಗಿನ ಕವಿಯ ತಲ್ಲಣಗಳಂತೆ
ಒಂದು ನಿದಾನದಂತೆ ಆವರಿಸಿ
ನಿಗೂಢವಾಗುವದಲ್ಲ?
ಎಲ್ಲಕೂ ಮಾಯಕದ ಮುಸುಕ
ಹೊದಿಸೇ ಬಿಡುತ್ತಲ್ಲ
ಹೆಣ್ಣು ಗಂಡ ಪಿಸು ಮಾತ ಹೊತ್ತ
ಗಾಳಿಯ ಹಿಡಿದೂ
ಎಷ್ಟು ಒಂಟಿಯಾಗಿಸಿಬಿಡುತ್ತೆ ಇದು
ಮರ್ಮಕ್ಕೆ ತಾಗುವಂತೆ
ಮೌನದಂತೆ
ಬೆಳಕೋ ತೆರೆದು ತೋರಬಹುದು
ನಮ್ಮ ಸುತ್ತಲ್ಲನ್ನ
ಹಾತೊರೆದಿರಬಹುದು ನಾನು ನೀವು.

ಒಂದು ಬೆಳಕು
ತಿಂದು ಹಾಕಬಹುದು ಕತ್ತಲ್ಲನ್ನ
ಆದರೂ ಅದು ಹೇಗೆ ಜೀವಿಸಿರುತ್ತೆ
ನಮ್ಮ ಸುತ್ತಲೂ
ಸದ್ದಿಲ್ಲದ ಸಂತನ ಹಾಗೆ
ಹಾ! ಈ ಕತ್ತಲೋ
ಅವ್ವನ ಬೆಚ್ಚನೆದೆಯ ನೆನಪಲ್ಲಿ
ನನ್ನ ಇಳುಕಿ ಸಮಾಧಾನಪಡಿಸುತ್ತೆ
ಕರುಳುಳ್ಳ ಇಂಥ ಕತ್ತಲು
ಕಾವು ಕೂತಾಗಲೇ
ಬೆಳಕೆಂಬುದು ಮೊಟ್ಟೆಯೊಡೆದು
ಮರಿಯಾಗೋದು
ಕತ್ತಲೆಂದರೆ ನನಗಿಷ್ಟ

‍ಲೇಖಕರು Admin

November 24, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ದಣಿವು…

ದಣಿವು…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: