ತೆಲುಗು ಮೂಲ : ದೇಶರಾಜು 

ಕನ್ನಡಕ್ಕೆ: ರೋಹಿಣಿ ಸತ್ಯ

——

ಮೊದಲಿಗೆ ನಾವು ಮನುಷ್ಯರಾಗಿ ಬೇರ್ಪಟ್ಟಿದ್ದೇವೆ 

-ಪ್ರಕೃತಿ ಮರಣ ಶಾಸನಕ್ಕೆ 

ಅದು ಆರಂಭ ವಾಕ್ಯವಾಯಿತು 

ನಂತರ ನಾವು ಸ್ತ್ರೀ ಪುರುಷರಾಗಿ ಬೇರ್ಪಟ್ಟಿದ್ದೇವೆ 

-ಆಧಿಪತ್ಯ ಆರಂಭ ವ್ಯಾಕ್ಯಕ್ಕೆ 

ಅದು ಮೊದಲ ಅಕ್ಷರವಾಯ್ತು 

ನಂತರ ನಾವು ಮತಗಳಾಗಿ ಬೇರ್ಪಟ್ಟಿದ್ದೇವೆ 

ಮೊದಲ ವರ್ಣಮಾಲೆ ಸುತ್ತೂ 

ಅದು ಬಿಚ್ಚುಗತ್ತಿಗಳನ್ನು ನಾಟಿತು 

ನಂತರ ನಾವು ಕುಲಗಳಾಗಿ ಬೇರೆಯಾಗಿದ್ದೇವೆ

-ವರ್ಣಾಶ್ರಮ ಕತ್ತಿಗಳ ವಿಹಾರದಲ್ಲಿ 

ಅದು ಅಸ್ಪೃಶ್ಯತೆಯ ಗುಣಾಕಾರವಾಯಿತು 

ಆನಂತರ ನಾವು ಉಪಕುಲಗಳಾಗಿ ಬೇರ್ಪಟ್ಟಿದ್ದೇವೆ 

-ಅಗಣಿತ ವ್ಯಾಕರಣಕ್ಕೆ 

ಅದು ಅರ್ಥವಿಲ್ಲದ ವಾಕ್ಯವಾಯಿತು 

ನಂತರ ನಾವು ಪ್ರಾಂತಗಳಾಗಿ ಬೇರ್ಪಟ್ಟಿದ್ದೇವೆ 

-ಕುಂಚಿತಗೊಂಡ ಅಂಧ ವಾಕ್ಯಕ್ಕೆ 

ಅದು ಬಣ್ಣದ ಕಣ್ಪಟ್ಟಿ ಆಯಿತು 

ಕಟ್ಟಕಡೆಗೆ ನಾವು ಒಬ್ಬೊಬ್ಬರಾಗಿ ಉಳಿದಿದ್ದೇವೆ 

-ಅಂಧತ್ವದ ಕಣ್ಣ ಪಟ್ಟಿ ಸಿಕ್ಕುಗಳಿಗೆ 

ಅದು ಒಗ್ಗಟ್ಟಿನ ಚರಮ ಗೀತವಾಯ್ತು 

ತೆಲುಗು ಮೂಲ : ದೇಶರಾಜು 

ಅನುವಾದ : ರೋಹಿಣಿಸತ್ಯ