ಮಾಲತಿ ಗೋರೆಬೈಲ್ ಕವಿತೆ – ಎಲ್ಲ ಎಲ್ಲವೂ ಜಲಸಮಾಧಿ…

ಮಾಲತಿ ಗೋರೆಬೈಲ್

ಮಳೆ ಮತ್ತು…..
ವಿಚಿತ್ರ ಥಂಡಿ ಹವೆಗೆ
ಅರಳಿಬಿಡುವ ನಾಲಿಗೆಯ ರಸಮೊಗ್ಗು
ನಿಗಿನಿಗಿ ಕೆಂಡದ ಮೇಲೆ ಬೆಂದ ಹಲಸಿನ ಬೀಜ,
ಕುರುಕಲು ಹಪ್ಪಳ
ಕೊತಕೊತ ಎಣ್ಣೆಯಲ್ಲಿ ಮುಳುಗೆದ್ದ ಬಜ್ಜಿ
ಏನೇನೋ ತಿನ್ನುವ ಹುಚ್ಚು!!

ಬೆಚ್ಚನೆ ಕಾವು ಕೊಟ್ಟು ಜೀವ ಕಾಪಿಡುವ
ಹೊದಿಕೆಗಳನ್ನೇ ಆವರಿಸಿಬಿಡುವ ಎಚ್ಚರದ ಕನಸು,
ದೂರ ತೀರದ ಇನಿಯನ ಹಂಬಲ
ಒಂದು ಬೊಗಸೆ ಪ್ರೀತಿಗಾಗಿ ಹಪಾಹಪಿ…
ನವಿರು ಭಾವ ಸ್ಪುರಿಸುವ ರಚ್ಚೆಮಳೆಗೆ
ಅದೆಂತಹುದೋ ಕಸುವು,
ಖುಷಿಯೆದ್ದು ಒಳಮನದ ನರ್ತನ….

ಮಾಧುರ್ಯ ಸವಿದು ನಿರುಮ್ಮಳನಾದ ಹೊತ್ತು
ಬಿರುಗಾಳಿಯ ಕೇಕೆ,
ನೀರಿನೊಡಲು ಸೇರಿದ ಜೀವರಾಶಿ
ಊಕ್ಕಿ ಸೂಕ್ಕಿ ಹರಿವ ಕಡಲು
ರೌದ್ರ ತಾಂಡವ….
ಜರ್ರನೆ ಇಳಿದು ಹೋದ ಹುರುಪು,
ಸೂರು-ಬೇರು,ಶೀತಭಾದೆ, ಬಾಯಿಚಪಲ
ಮೋಹ,ಪ್ರೇಮ
ಎಲ್ಲ ಎಲ್ಲವೂ ಜಲಸಮಾಧಿ….

‍ಲೇಖಕರು Admin

August 5, 2022

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: