ಸಂಗನಗೌಡ ಹಿರೇಗೌಡ ಹೊಸ ಕವಿತೆ – ಚಾರಣ…

ಸಂಗನಗೌಡ ಹಿರೇಗೌಡ

ಚಾರಣ
ಒಮ್ಮಿಲೇ ಗೆಜ್ಜೆಬಿಗಿದಂತಾಗಿ
ಅಲ್ಲೆ ಬಾಜು ಕಂಪೌಂಡ್ ಕಡೆಗೆ ನಡೆದೆ
ಚಿಂದಿ ಚಿಪಾಟಿ ಅದು ಇದು ಇನ್ನೇನೋ ಇನ್ನೇನೋಗಳ
ಮಧ್ಯ ಚೈನೆಳೆದು ಉಚ್ಚೆ ಹೊಯ್ಯುತಿದ್ದೆ…

ತುಸುದೂರ ಯಾರೋ ಕಂಡಂತಾಗಿ
ಮನುಷ್ಯರೆಂಬ ಅರ್ದಸತ್ಯ ಅರಿವಿಗೆ ಬಂದು
ನಿಂತವನು ಮರೆಯಲ್ಲಿ ಕೂತುಬಿಟ್ಟೆ
ಹಿಂದ್ಗಡೆ ಯಾರೋ ಬಂದು ಕಿವಿಮಡ್ಡಿಗೆ
ಬಡಿದಂತಾಯಿತು ಕೂತವನನ್ನ ರಟ್ಟೆ ಹಿಡಿದೆಬ್ಬಿಸಿದ್ದು
ಗೊತ್ತೇ ಆಗಲಿಲ್ಲ…

ಕಯ್ತೊಳೆದವನೆ ಭುಜದ ಮೇಲೆ ಬೆಳಕು ಹೊತ್ತು
ಕಯ್ಯಲ್ಲಿ ತಾಟಿಡಿದು ಹೋಗುತ್ತಿದ್ದೆ
ಸಂತೆ ಎಂದರೆ ಸುಮ್ಮನೆಯೇ?
ಇಟ್ಕೊಂಡವರು ಕಟ್ಕೊಂಡವರು ಇದ್ದವರು ಕದ್ದವರು
ಮಾರಿಕೊಂಡವರು ಮುಟ್ಟಿಸಿಕೊಂಡವರು ಹೀಗೆ ಸತ್ತವರನ್ನು ಬಿಟ್ಟು ಇನ್ನೇನೋ ಇನ್ನೇನೋ…

ನೀಡಿದವರ ಮಧ್ಯಯೇ ತಾಟು ನೋಡಿದ ಕೆಲವರು
ನಕ್ಕರು ಅತ್ತರು ಬೈದರು
ಹೊಡೆದರು ಹೊದ್ದರು
ಕೆಲವರಂತೂ ಬೆರಳೇ ಮುರಿದುಕೊಂಡರು!
ಹೀಗೆ ಸದ್ದುಗದ್ದಲಗಳ ನಡುವೆ ಯಾರದೋ ಒಂದೇಟು
ಭುಜದ ಮೇಲೊತ್ತ ಬೆಳಕಿಗೆ ತಾಗಿತು
ಕತ್ತಲು ಆವರಿಸಿ ಮತ್ತೆ ಇನ್ನೇನಾಯಿತೋ
ಗೊತ್ತಾಗಲಿಲ್ಲ…

ಮಣ್ಣು ತೂರಿದ ಹಾದಿ ಮತ್ತೆ ತುಳಿಯಬಾರದೆಂದು
ಒಡೆದ ಬೆಳಕನ್ನು ಹೊಲೆದು ಭುಜದಮೇಲೊತ್ತು
ತಾಟಿಡಿದು ಹೋಗುತ್ತಿದ್ದೆ
ತೂರಿದ ಹಾದಿಡಿದು ಬಂದ ಕೆಲವರು
ತಡೆದು ತರುಬಿ ತಾಟುಕಸಿದವರೆ
‘ಬೇಡುವ ಮುನ್ನ ಹಾಡಿದ್ದಿಯಂತೆ ನಿಜವೆ’.!? ಅನ್ನುವಷ್ಟೊತ್ತಿಗೆ
ಹೊದ್ದು ಮಲಗಿದ ಕೌದಿಯ ಕಾಲುಗಳು ಎಚ್ಚರಗೊಳಿಸಿದವು…

‍ಲೇಖಕರು Admin

January 26, 2022

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕಂಬನಿ…

ಕಂಬನಿ…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: