ಪಾಣಿನಿ ದೇರಾಜೆ ಹಲವಾರು ಸಂಗೀತದ ವಾದ್ಯಗಳನ್ನ ಚಿಕ್ಕಂದಿನಿಂದಲೇ ನುಡಿಸುತ್ತ ಬಂದವರು. ತಂದೆ ತಾಯಿ ಕೂಡ ಸಂಗೀತಗಾರರಾಗಿದ್ದರಿಂದ ಸಹಜವಾಗಿಯೇ ಸಂಗೀತಕ್ಕೆ ಒಗ್ಗಿಕೊಂಡವರು. ಇವರ ಇನ್ನೊಂದು ವಿಶೇಷತೆ ಏನೆಂದರೆ ಹಾಡುಗಳನ್ನು ಉಲ್ಟಾ ಹಾಡುತ್ತಾರೆ.
ಯಾವುದೇ ಹಾಡಿನ ಸಾಹಿತ್ಯವನ್ನು ನೆನಪಿನಲ್ಲಿಟ್ಟುಕೊಂಡು ಹಾಡುವುದೇ ಕಷ್ಟ. ಅದರಲ್ಲೂ ಹಾಡನ್ನು ಉಲ್ಟಾ ಹಾಡುವುದು ಇನ್ನೂ ಕಷ್ಟ. ಆದರೆ ಪಾಣಿನಿ ಅವರು ಹಾಡಿನ ಸಾಹಿತ್ಯವನ್ನ ತಿರುವಾಗಿ ಹಾಡಿ, ಹಾಡಿನ ದಾಟಿ ಒಂಚೂರು ಹದಗೆಡದಂತೆ ಬಹಳ ಸುಲಭವಾಗಿ ಹಾಡುತ್ತಾರೆ.
ಇವರ ಈ ವಿಶೇಷ ಪ್ರತಿಭೆಯ ಕುರಿತಾಗಿ ʼಅವಧಿʼಯು ನಡೆಸಿದ ಫಟಾ ಫಟ್ ಸಂದರ್ಶನ ಇಲ್ಲಿದೆ.
ಉಲ್ಟಾ ಹಾಡಬೇಕು ಅನ್ನೋ ಐಡಿಯಾ ಹೇಗೆ ಬಂತು ?
> ನಾನು 4 ಅಥವಾ 5ನೇ ತರಗತಿ ಇದ್ದಾಗ ನನ್ನ ಕಜಿನ್ ಈ ಥರಹ ಉಲ್ಟಾ ಹಾಡುಗಳನ್ನ ಹಾಡಿದ್ದರು. ಅವರಿಂದ ನಾನು ಕಲಿತೆ.
ಪಾಣಿನಿ ಅನ್ನೋದು ಕೂಡಾ ಉಲ್ಟಾ ಹೆಸರೆನಾ ?
> ಅಲ್ಲಾ. ಅದೊಂದು ಮಹರ್ಷಿಯ ಹೆಸರು.
ಲೈಫ್ ಏನಾದ್ರೂ ಉಲ್ಟಾ ಹೊಡದಿದೆಯಾ ?
> ನಾನು ಲೈಫ್ ನಿಂದ ಎಕ್ಸ್ ಪೆಕ್ಟ್ ಮಾಡೋದು ಕಡಿಮೆ. ಅದು ಹೇಗೆ ಬರುತ್ತೋ ಹಾಗೆ ಎಕ್ಸೆಪ್ಟ್ ಮಾಡ್ತೀನಿ. ಹಾಗಾಗಿ ಉಲ್ಟಾ ಹೊಡದಿದೆ ಅಂತಾ ಹೇಳಕಾಗಲ್ಲ.
ಸಂಗೀತದ ಹಿಂದೆ ಬಿದ್ದದ್ದು ಯಾವಾಗಿನಿಂದ ?
> ಹುಟ್ಟಿನಿಂದ ಅಂತ ಹೇಳ್ಬೋದು.
ಮೌತಾರ್ಗನ್, ಕೊಳಲು, ಗಿಟಾರ್, ಸ್ಯಾಕ್ಸ್ ಫೋನ್ ಇನ್ನು ಏನೇನ್ ನುಡಿಸ್ತೀರಾ ?
> ತಕ್ಕಮಟ್ಟಿಗೆ ಡ್ರಮ್ಸ್, ಕಾಂಗೋ- ಬಾಂಗೋ, ಕಹೂನ್, ಜಂಬೆ ನುಡಸ್ತೀನಿ.
0 ಪ್ರತಿಕ್ರಿಯೆಗಳು