ನೂರುಲ್ಲಾ ತ್ಯಾಮಗೊಂಡ್ಲು ಹೊಸ ಕವಿತೆ – ಹಿಜಾಬ್….

ನೂರುಲ್ಲಾ ತ್ಯಾಮಗೊಂಡ್ಲು

ಹಿಜಾಬ್ ಗೆ ಅರ್ಥವೊಂದೇ;
ಆದರೆ ಹಲವು ಬಣ್ಣ, ವಿಧ, ಶೈಲಿ

ಇಲ್ಲಿ ಎಲ್ಲಕ್ಕೂ ಪೃಥಕ್ಕರಣ
ಬುರ್ಖಾ, ಹಿಜಾಬ್, ನಖಾಬ್
ಆದರೂ ಲಜ್ಜೆಯ ಮಾತು

ಬುರ್ಖಾ – ಹೆಣ್ಣು
ಹಿಜಾಬ್ -ಹೆಣ್ಣು
ನಖಾಬ್-ಹೆಣ್ಣು
ಇವು ಹೆಣ್ಣಿಗಷ್ಟೇ ಸಾಂಕೇತಿಕವೇ ?
ಒಂದು ಇದ್ದು ಮತ್ತೊಂದು ಇಲ್ಲದಿರೆ ?
ಏನೇನೂ ಇಲ್ಲ

ಒಮ್ಮೆ ಮಾರ್ಕೆಟಿನ ಲಾಲ್ ಬಿಲ್ಡಿಂಗ್ ನ
ನಾಲ್ಕು ರಸ್ತೆಕೂಡುವಲ್ಲಿ ನಾನು ನನ್ನಾಕೆ
ಪಾನಿಪುರಿ ಶೇವ್ ಪುರಿ ತಿಂದು
ಹಿಜಾಬ್ ಕೊಳ್ಳಲು ತೆರಳಿದೆವು

ಸಮೀಪದ ಮಾರವಾಡಿ ಅಂಗಡಿ
ತಲೆ ತುಂಬ ಸೆರಗು ಹೊದ್ದ ಅಂಗಡಿಯವಳು
ನನ್ನಾಕೆಯನ್ನ ನೋಡಿ ಕಿಸಕ್ಕನೆ ನಕ್ಕಳು
ಇವಳು ದಿಗ್ಭ್ರಾಂತಳಾಗಿ
ಮುಖಗವುಸು ತಲೆಮೇಲಿಂದ ಇಳಿ ಬಿಟ್ಟಳು
ಆಗವಳು
ಗವುಸು ಹಾಕಿಲ್ಲ ಅಂತ ಅಲ್ಲ
ತುಟಿ ಮೇಲೆ ಗಜ್ಜರಿ ತಗುಲಿದೆ ಎಂದಳು ನಯವಾಗಿ

ಮುಖಗವುಸು ಎತ್ತಿ ಮುಖ ತೀಡಿ
ಥ್ಯಾಂಕ್ಸ್ ಎಂದಳು ನನ್ನಾಕೆ
ಮತ್ತೆ ಎಂದಳು
ನೀವು ಪರ್ದ ಇರುತ್ತೀರೆ
ಆಗವಳು ಎಂದಳು ಹ್ಞಾ its a traditional and fashionable way
ಔರತ್ ಕು ಸಜಾನಾ ಹೈ
ಇಸ್ ಮೆ ಮತಲಬ್ ನಿಕಾಲ್ ನ ಘಲತ್ ಹೈ…

ಕೌನ್ ಸಾ ಚಾಯಿಯೇ
ಇದು ಸ್ಟೋನ್ ನ ಮೊಡೆಸ್ಟ್ ಫ್ಯಾಶನ್…
ಕಸುರಿಯ ಹಿಜಾಬ್ ಸ್ವಲ್ಪ ದುಬಾರಿ ಎಂದಳು
ನನ್ನಾಕೆ ಅದನ್ನೇ ತೆಗೆದಳು
ಮತ್ತೆ ನುಡಿದಳು

ಹೆಂಗಸರ ಸ್ವಾತಂತ್ರ್ಯ ಯಾರು ಪರಭಾರೆ ಮಾಡಲಾಗದು
ಎಸ್… ಥ್ಯಾಂಕ್ಸ್
ಇಬ್ಬರ ಮುಖದಲ್ಲು ನಗೆಯರಳಿದವು

‍ಲೇಖಕರು Admin

January 26, 2022

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕಂಬನಿ…

ಕಂಬನಿ…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: