ದೀಪಾ‌ ಗೋನಾಳ ಹೊಸ ಕವಿತೆ – ನನ್ನ ಹೆಜ್ಜೆ ಗುರುತುಗಳಿವೆ…

ದೀಪಾ‌ ಗೋನಾಳ

ಅವಳು ನಿನ್ನ ತಲೆಗೂದಲಲ್ಲಿ
ಬೆರಳಾಡಿಸುವಾಗ,
ಅಲ್ಲೆಲ್ಲ ನನ್ನ‌ ಎದೆಬೆವರಿನ ಘಮವಿದೆ
ಫ್ಯಾನ್ ಗಾಳಿ‌ ಹೆಚ್ಚಿಡು

ಕಂಗಳಿಗೆ ಕಣ್ಣು ಬೆಸೆದಾಗ,
ನಾವಿಬ್ಬರು ಕೂಡಿ ಕಟ್ಟಿದ
ಕನಸುಗಳ ಮೂಟೆ ಬಿಚ್ಚಿಕೊಂಡೀತು,
ಜೋಪಾನದಿ ಮುಚ್ಚಿಡು

ನಿನ್ನ ಬೆರಳುಗಳೊಂದಿಗೆ
ಬೆರಳು ಹೊಸೆಯುವಾಗ,
ನಾ ತೊಡಿಸಿದ‌ ಉಂಗುರವಿದೆ
ಬಚ್ಚಿಡು

ಅವಳು‌ ನಿನ್ನ ಎದೆ
ಕವಾಟುಗಳಲಿ‌ ನಡೆದಾಡುವಾಗ,
ನನ್ನ ಹೆಜ್ಜೆ ಗುರುತುಗಳಿವೆ
ರಕ್ತ ಪರಿಚಲನೆ ತುಸು‌
ಜೋರಿಡು

ಕೋಣೆಗೆ ಬಂದವಳು
ಬೆನ್ನ ಸವರುವುದು
ತಡವಾಗುವುದಿಲ್ಲ
ನಿನ್ನ ಬೆನ್ನ ಮೇಲೆ
ನನ್ನ‌ಉಗುರ ಗೀರುಗಳಿವೆ
ಕೋಣೆದೀಪ ನಂದಿಸಿಬಿಡು

ಸರಸ ಮುಗಿದಾಗ
ವಿರಮಿಸುವಳು ತೋಳಲ್ಲಿ
ತಲೆಯಿಟ್ಟು,
ನನ್ನ ಹಲ್ಲಿನ ಗುರುತಿವೆ
ನೀಡದಿರು ಎಡ ತೋಳು

ಕೋಣೆದಾಟಿ ಸ್ನಾನಕ್ಕೆ
ಜೊತೆ ನಿಂತಾಗ,
ನನ್ನ ಬಿಟ್ಟಿರಲಾರೆ ಎಂದು
ಕೊಯ್ದುಕೊಂಡ ನರದ
ಕಲೆಯಿದೆ
ಬಿಚ್ಚದಿರು ವಾಚು

ಸುಖ ಮುಗಿಸಿ ಮಲಗಿದಾಗ,
ಅಪ್ಪಬಹುದವಳು
ನಿನ್ನೆದೆ
ನಿದ್ದೆ ಮಂಪರಲಿ
ಬಡಬಡಿಸದಿರು ನನ್ನೆಸರು

ಅವಳದೆ ಹಂಗಿನೊಳಗೆ
ಸಿಕ್ಕು ನಿನ್ನ ನೀ ಮಾರಿಕೊಂಡಾಗ,
ನಮ್ಮ ಒಲವ ಬಚ್ಚಿಡಲು
ಇಷ್ಟಾದರು ಮಾಡು

‍ಲೇಖಕರು Admin

May 14, 2022

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕಂಬನಿ…

ಕಂಬನಿ…

೧ ಪ್ರತಿಕ್ರಿಯೆ

  1. ಡಾ.ಸುಜಾತ ಲಕ್ಷ್ಮೀಪುರ

    ತುಂಬಾ ಸೊಗಸಾದ ಕವಿತೆ ದೀಪಾ..ಮತ್ತೊಬ್ಬಳ ತೆಕ್ಕೆಗೆ ಬಿದ್ದವಂಗೆ ಪ್ರೀಯಿಯಲ್ಲೆ ನೀಡುವ ಕಿವಿಮಾತುಗಳು ಮನ ಕಲಕುತ್ತವೆ.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: